قال أحمد شوبير نجم الأهلي السابق، أنه يمتلك نعم كثيرة في حياته وأهم نعمة هي الستر وستر فوق ما تتخيل، ويستعرض موقع تحيا مصر تصريحات أحمد شوبير.
تصريحات أحمد شوبير
وأضاف أحمد شوبير في تصريحاته مع أحمد الخطيب في برنامج كلم ربنا على الراديو 9090، ربنا دايما معايا في الستر والصحة والرزق، وأنا عدد أسرتي 8 أفراد بجانب 5 أفراد بوجود جدتي وخالي و2 أعمامي وأي شخص من البلد وكنا كلنا في بيت 80 متر عايشين فيه ومستمتعين ومستورين أول.
وأكمل أحمد شوبير، أبويا كان مدير في التربية والتعليم وأمي من أكبر عائلات مصر وهي عائلات العبد وجدتي زليخة العبد وليها قصة شهيرة مع سيدنا يوسف والدهب كان مغرق أيد أمي لغاية ما بقى في إيدها غويشة وكانت هي اللي بتمشي البيت، ومرتبة كان 63.5 في الشهر.
وزاد أحمد شوبير، أبويا كان بيسلم أمي راتب الشهر وإيجار الشقة 2 جنية ونص وجنية ونص للكهربا وكانوا بيخلصوا يوم 20 في الشهر وكنا مستورين جداً وأمي كان ليها دعوات حلوة منها يجعل وشك جوهرة وحنكك سكرة وقصتنا كانت مبنية على الستر، وحلم أمي كانت تروح الحج وبس.
واستكمل أحمد شوبير، أمي عفيفة جداً وعمرها ما طلبت مني حاجة إلا الحج في سنة 1988 وكانت التكلفة 4000 جنية وجمعت جزء من المبلغ وأخوها كمل ليها فلوس الحج، وقالتلي لغاية ما أموت تطلعني كل سنة عمرة وماتت في نوفمبر 1991، وأبويا توفى في 2010 وكان بيروح يحج ويعمل عمرة.
أحمد شوبير في الراديو 9090
وأشار أحمد شوبير، الحلم الوحيد في حياتي كان أني أكون حارس النادي الأهلي وكان حلم كبير جداً ومعرفش شكل القاهرة أيه وهي دي كانت دعوتي لربنا أني أكون حارس الأهلي وبس، وكان إكرامي وثابت البطل موجودين في الأهلي.
واختتم أحمد شوبير، حلمي كان حلم جنون، وجدي كان شيخ أزهري والعائلة كانت ملتزمة وأبويا كان معلني ننزل نصلي في المسجد وكنت بدعي وأقول يارب عاوز أكون حارس الأهلي، وكنت في المدرسة بكتب بياناتي في المدرسة أحمد عبد العزيز شوبير حارس الأهلي ومنتخب مصر وكانوا مفكرني مجنون.
نقلاً عن : تحيا مصر
لا تعليق