أسامة حسني: “الزمالك محتاج يبص على الأهلي.. والناجح مش عيب تقلده”

أكد أسامة حسني، نجم الأهلي السابق، أن نادي الزمالك بحاجة للنظر إلى تجربة النادي الأهلي في التطوير المؤسسي والإداري، من أجل الخروج من أزماته الحالية والانطلاق في طريق النجاح، مشيرًا إلى أن “تقليد الناجح مش عيب”، ويستعرض تحيا مصر التفاصيل. 

أسامة حسني: لازم الزمالك يقلد الأهلي الفترة اللي جاية 

وقال أسامة حسني  خلال ظهوره في برنامج “اللعيب” مع الإعلامي مهيب عبد الهادي، :”الزمالك عاوز يكبر ويصلح اللي فات، يبص على الأهلي ويشوفه بيعمل إيه ويقلده، وده مش عيب بالعكس.. ده أول خطوة للنجاح”. 

وأضاف:”الأهلي عمل شركة كرة والناس اتريقت، دلوقتي شوف الشركة دي بتدخل إيرادات قد إيه، وبقت بتدير المنظومة باحترافية.. الفارق واضح في النتائج والتخطيط”. 

وتحدث نجم الأهلي السابق أيضًا عن البنية التحتية والمشروعات الاستثمارية التي يقودها النادي، قائلاً:”بص على مشروع المنشآت.. الأهلي عنده كام فرع دلوقتي؟ الشيخ زايد والتجمع والجزيرة، وفيه كمان مشروع المدينة الرياضية والاستاد، وأكاديميات مش بس في مصر، لأ كمان في الوطن العربي كله”. 

وأوضح حسني أن نجاح أي كيان رياضي لا يعتمد فقط على البطولات، وإنما على وجود رؤية واضحة ومؤسسية حقيقية، وهذا ما نجح فيه الأهلي، ويحتاج الزمالك إلى اتباعه إذا أراد المنافسة بقوة.

وتابع:”الموضوع مش تقليد لمجرد التقليد، لكن لما يكون النموذج ناجح والنتائج واضحة، ليه لا؟ لازم نخرج من فكرة التعصب ونفكر بعقل”.

 اسامة حسني يعلق على تصريحات حسام غالي 

وقال أسامة حسني في تصريحات تليفزيونية: “أنا مش متفق مع تصريحات حسام غالي الأخيرة، لأن مفيش انتخابات دلوقتي داخل الأهلي علشان نتكلم عن تصفية حسابات أو محاولات تشويه، المناصب داخل النادي الأهلي حق مشروع لأي حد عنده الكفاءة والقدرة، لكن الأهم من كده هو إننا نحافظ على استقرار الكيان”.

وتابع: “إحنا في فترة حساسة جدًا، سواء من ناحية البطولات اللي الفريق بيشارك فيها أو من ناحية الاستعداد للموسم الجديد، والتصريحات دي ممكن تخلق حالة من التوتر أو الانقسام، وإحنا مش محتاجين ده دلوقتي”.

وأوضح حسني أن الأهلي كيان كبير قائم على المبادئ والمؤسسات، وأن أي شخص داخل المنظومة يجب أن يضع مصلحة النادي فوق أي اعتبارات شخصية، مضيفًا أن الحديث عن وجود مؤامرات أو أطراف تحاول “إبعاد” شخص معين من الصورة لا يخدم النادي ولا يليق بتاريخه.