أول تعليق من وفاء عامر على شائعات تجارتها في الأعضاء

خرجت الفنانة وفاء عامر في أول ظهور لها بعد أزمة اتهامها في تجارة الأعضاء لتتحدث عن هذا الامر، مشيرة إلى أنها لن تترك حقها ابدا وستطالب الفتاة بتحليل DNA للتأكد من صحة حديثها.

أول تعليق من وفاء عامر بعد اتهامها بتجارة الأعضاء 

وقالت وفاء عامر خلال مداخلة هاتفية في برنامج الستات المذاع على قناة النهار: الست دي اختارت أعلى واحدة على السوشيال ميديا في التيك توك، أنا أكبر نجمه على التيك توك وعلى فكره ما بدخلش مع اي حد وما بظهرش كتير الا لما بيبقى عندى حاله زي حاله علي محمد دوشين بنجمع له حاجه مش موجوده في مصر تمنها 150مليون جنيه هتجيبيهم ازاي، فلازم اطرق كل الابواب وده تحت رعاية وزارة التضامن يعني مش حاجه ليا.

وتابعت وفاء عامر حديثها: اللي بيحصل ضرب في القوى الناعمة واحنا مش ضعاف عندنا نقيب قوي عندنا اتحاد نقابات قوية، عندنا نقابات فنية عظيمة في مصر و لا يمكن ابدا هتسكت ولا حد هيقدر يسكتها غير بالموت.

وفاء عامر: مش هنام إلا أما حقي

واستكملت وفاء عامر حديثها: أنا ست قوية ما حدش يجي عليا أبدا وما أنامش غير وأنا واخده حقي لو اللي قدامي ضعيف انا بسامح بس دي وراها حد وانا لازم أجيب كل اللي وراها، عندنا حكومة قوية وبلد قوية وناس قوية ونائب عام قوي، وأنا هعلنها وهرفه عليها قضية، وتعمل تحليل DNA باللي هي بتقوله.

واختتمت: أما سن عنيدة جدًا لما يبقى ليا حق بآخده، أنا زوجة راجل محترم، وبنت راجل جدع ومحترم، وعيلتي فيها رجالة محترمين، وقلت لهم محدش له دعوة، عشان يتقال إني ست عرفت تدافع عن نفسها.. أنا ست مصرية حرة.

وفاء عامر تتخذ إجراءات قانونية ضد مروجي شائعات 

وكانت قد أعلنت الفنانة وفاء عامر اتخاذها كافة الإجراءات القانونية ضد مروجي شائعات تجارتها في الأعضاء مشيرة إلى رفضها الزج باسمها والإساءة لسمعتها كفنانة أو إنسانة تحت اي وضع من الأوضاع، وبعدها خرج العديد من النجوم ليدعموها ويدافعون عنها ضد تلك الشائعات.