إيناس عز الدين توجه رسالة لجدتها: هي اللي عوضتني ومعرفتش في حياتي غيرها

اعربت الفنانة إيناس عز الدين، عن حزنها الشديد لفقدان جدتها، والتي تعتبرها والدتها، في  يوم ميلادها، مشيرة ان اليوم يجمعها بأولى جلساتها ضد والدتها.

إيناس عز الدين تتذكر جدتها 

كتبت الفنانة إيناس عز الدين، منشور تتذكر به جدتها وتعبر عن حزنها الشديد لفقدانها، وفقا لما رصده موقع تحيا مصر، عبر صفحتها الرسمية على موقع التواصل الاجتماعي فيسبوك قال فيه: النهاردة أول عيد ميلاد ليا يمر وانتي مش في الدنيا يا ماما ديدا يا امي اللي معرفتش في حياتي غيرها ياللي عوضتيني عن فقدان الأم والأب والدنيا بحالها طول حياتك وسترتيني انا وأختي وربيتينا أحسن تربية وإتكسر ضهرك علينا لآخر يوم في حياتك وضحيتي من أجل تربيتنا بكل ما هو نفيس وغالي وكل ما تملكي

وتابعت إيناس حديثها: بكرة سنويتك الأولى يا نور عيني وروح قلبي يا أعظم أم جت في الدنيا إنتي الأم اللي قررت تشيل شيلة مش بتاعتها ومش بس كده دي عاشت تحارب علشان تحمي الشيلة دي اللي هي انا واختي وتسترهم وشيلة انا على يقين إنك قابلتي ربنا بيها وهيكرمك عليها آخر كرم وصدقيني إنتي ما فارقتينيش ثانية عايشة ببركة دعائك وربنا بيرزقني وبيكرمني آخر كرم وفضل لأنك قابلتي وجه رب كريم ودعواتك ليا انا وأختي على لسانك.

أزمة إيناس عز الدين ووالدتها 

وقالت إيناس عز الدين: بس الدنيا جت علينا قوي يا ديدا من بعدك لدرجة إن أول عيد ميلاد ليا وإنتي مش في الدنيا انا مقضياه انا وأختي في المحكمة علشان أمي الحقيقية قررت تحتفل بعيد ميلادي بعد وفاتك احتفالية ضخمة وتبقى أول جلسة ليا قدامها النهاردة في المحكمة كل اللي عشتي تحميني منه انا وأختي وكنتي حائط دفاع وصد وبتاخديه لوحدك علشان تحمينا وياما سنين اتعمل فيكي وكنتي بتتحملي علشان تمنعي عننا الشر والأذى للأسف بيحصل فينا من بعدك بس برضوا انا قدها وقدود لآخر نفس علشان انا تربيتك وبنتك إنتي الست العظيمة القوية اللي علمتني أواجه الدنيا بحالها مادمت على حق.

إيناس عز الدين تحيي ذكرى وفاة جدتها

وأشارت إيناس عز الدين في حديثها: فضلًا وليس أمرًا هديتكم ليا في عيد ميلادي تكون دعوة للأم المثالية في نظري جدتي ماما ديدا بكره سنويتها الأولى، والصور دي أعظم هدية جتلي في عيد ميلادي من صديقي اللي ربنا يكرمه ويبارك في عمره مهما شكرتك مش هوفيك حقك كفاية دموعي وانا شايفة الصور الله يكرمك ويفرح قلبك.