باتعايق واتفشخر به.. سما المصري ترد على منتقدي ظهورها بالحجاب

ردت الفنانة سما المصري، على منتقدي ظهورها الأخير بالحجاب، وإعلا إعتزالها وتوبتها، وبذلك بعد ان أشاع البعض انها ارتدت الحجاب من أجل المظاهر والتريند فقط.

رد سما المصري على منتقديها

وكتبت سما المصري، ترد على منتقديها، وفقا لما رصده موقع تحيا مصر، عبر صفحتها الرسمية على موقع التواصل الاجتماعي إنستجرام قائلة: ” الناس اللي بتهاجمني عشان باتصور بالحجاب وبتقولي اني باتعايق بالحجاب ايوه دي حقيقه انا باتعايق واتفشخر بالحجاب..حاجه مشرفاني ومحلياني ومنوره وشي مااتعايقش بيه ليه”.

وتابعت سما المصري: “ماانا ياما اتعايقت بلبس مسخره جت ع الحجاب الغلبان يعني مااطلعش ولا اظهر بيه؟؟ طيب يارب كل البنات تلبسه وتطلع تتعايق بيه..سيبوني في حالي الله يصلح حالكم”.

سما المصري تكشف تفاصيل توبتها

وكانت الفنانة  سما المصري، كشفت في وقت سابق، عن توبتها في تصريح خاص لموقع تحيا مصر، قائلة: محدش سبب في حجابي ولا حد اثر عليا ألبسه انا من زمان كنت دائما بافكر البسه ودا كان واضح من بعض بوستاتي الخاصه بالحجاب بس اللي كان مانعني الفتره اللي فاتت اني كنت خائفة البسه احسن مااعملش بيه ولا التزم في لبسي بس لما اخدت قرار ارتدائه نويت باذن الله التزم باللبس اللي يتناسب مع الحجاب.

كما وجهت الفنانة سما المصري، رسالة لجمهورها بعد ارتداء الحجاب، قائلة: احب اقول لجمهوري بعد الحجاب أنه اللي كان حاببني ومتابعني عشان شكلي الغي المتابعه لأن الشكل هيتغير تماما لكن اللي كان متابعني عشان حابب شخصيتي مش شكلي فإن شاء الله هيبقي في حاجات احلي واحسن في شخصيتي بعد كده هتنال اعجابكم بيا اكتر واكتر بإذن الله، رساله للناس اللي معاها فيديوهات عريانه ليا قلت لهم وتوسلت إليهم وحلقتهم بالغالي عندهم يمسحوا الفيديوهات دي من عندهم انا بارجوهم تاني يمسحوها لأن الذنب في الوقت دا مش عليا هيبقي عليكوا انتوا اللي بتنشروها.

سما المصري

عرفت الفنانة سما المصري خلال السنوات الماضية بادوار الإغراء وارتداها ملابس فاضحة ومكشوفة، في العديد من الأعمال، كما ألقي القبض عليها بتهمة الفسق والفجور.