بعد عرض أثاث منزلها للبيع.. ناني سعد الدين باكية: جوزي جتله جلطة وممكن ابيع نفسي عشانه |خاص

كشفت الفنانة ناني سعد الدين تفاصيل صادمة في تصريحاتها عن زوجها الذي كشفت أنه تعرض لجلطة مفاجئة منذ سبعة أيام، وانهارت باكية في حديثها مع موقع تحيا نصر كاشفة تفاصيل حالته الصحية وأزمة المعيشة التي تمر بها الفترة الحالية.

ناني سعد الدين عن بيع أثاث منزلها: اتصدمت لما الخبر انتشر واتهانت من الناس

علقت ناني سعد الدين على انتشار خبر بيع أثاث منزلها وأكدت أنها كانت لا ترغب في انتشار الخبر الذي جعلها حديث السوشيال ميديا، وفي تصريحات خاصة لـ موقع تحيا مصر قالت: “مكنتش عايزة خبر عفش بيتي ينتشر انا اتهانت والناس قالوا ماتشتغلي اي حاجة .. أنا مش لاقية شغل وبكلم الناس مبيردوش عليا وخايفة على نفسي ولادي وزعلهم من الكلام ده هما بيتأثروا من اقل حاجة وممكن اكون عرضاهم هما زيادة عندي مش عايزة حاجة من حد”.

ناني سعد الدين تكشف إصابة زوجها بجلطة: بصحيه من 7 أيام لقيته مشلول 

وتابعت ناني سعد الدين وهي منهارة من البكاء كاشفة سبب عرض أثاث منزلها للبيع في تصريحاتها مع موقع تحيا مصر: “من 7 أيام بصحي جوزي لقيته مشلول و جاتله جلطة وهو دلوقتي في القصر العيني غير المدارس اللي داخلة وهصرف منين على ولاد اخواتي اللي بربيهم وبصرف عليهم هما ولادي ومفيش شغل انا ممكن ابيع نفسي عشان اكفي اللي انا فيه”، وعن قلة عملها قالت: كل ما اكلم حد مبيردش عليا والنقابة مفيش في ايديها حاجة ربنا يعين دكتور اشرف زكي هو هيشيل ايه ولا ايه، الشغل ده في ايد الشركات اللي ركنتنا”.

ناني سعد الدين تعرض أثاث منزلها للبيع

وكانت تصدرت الفنانة القديرة ناني سعد الدين محركات البحث الاجتماعي الساعات الماضية بعد عرض أثاث منزلها للبيع عبر حسابها الشخصي على موقع التواصل الاجتماعي فيسبوك، حيث عرضت أثاث المنزل، وقالت في منشور عبر حسابها الرسمي على موقع فيسبوك: “سفرة ونيش للبيع 3 قطع من معرض الاباني للاثاثات ايلى محتاجهم يقولى مفهوش ولا غلطة لو في غلطة واحدة متخدهوش”، وانهالت التعليقات من محبيها بعد انتشار الخبر محاولين دعمها.