يستعد الفنان محمد نور لإحياء حفل غنائي جديد بعنوان وريني، وكشف عنها المنتج علام من خلال طرح البرومو التشويقي والبوستر الخاص بـ الالبوم، والذي يضم 6 أعمال غنائية.
تفاصيل ألبوم وريني لـ محمد نور
يضم ألبوم وريني لـ محمد نور وفقا لما رصده موقع تحيا مصر 6 أغانٍ تعاون فيه مع أهم صناع الأغنية، والألبوم من إنتاج محمد علام، والأغاني هم: وريني، نور، كنا ناويين خير، أهلا وسهلا، عاجبك حالي، من السبت للخميس، ومن المقرر أن يتم طرح الألبوم عبر جميع المنصات والتطبيقات الموسيقية خلال موسم صيف 2025 لـ الجمهور ومحبية.
تصريحات محمد نور
وكان قد تحدث محمد نور في وقت سابق عن حياته الشخصية، حيث قال في تصريحات تليفزيونية: “اللي بيعرفني من قريب بيشوف حاجات مختلفة خالص غير شكلي، واللي بيشوفني بيقولي انت قد ايه طيب وبتحب الناس وكل اللي ميعرفنيش يفتكر حاجة تانية، الشغلانة بتاعتنا دي غريبة جداً كل واحد قبل مابينام يقعد يقول مين حفلة فين ومين كسب كام ومين نزل صورته اكبر من مين ومين لسه راح السعودية وانا لسه مروحتش، أنا الوحيد اللي في الشغلانة دي مليش دعوة باي حد، وأي حد بيعمل حاجة حلوة أنا أول واحد ببعتله مبروك وكل الناس اللي في جيلنا كلهم صحابي ولما تيجي سيرتنا يقولوا نور ده شيك اوي ملوش دعوة بحد”.
وعن علاقته بوالدته، قال محمد نور: أنا مبعرفش أعمل أي حاجة من غير ما أكلم أمي وهي قاعدة معايا في نفس البيت في الدور اللي تحت وأنا نازل وطالع ادخلها اشوفها محتاجة حاجة ناقصة حاجة ومبقولهاش أنا مسافر كتير عشان بتتوتر ووجودها في حياتي مطمئن ومخليني أحس إني مفيش مشكلة في أي حاجة وكلمة السر عندي في دعوة أمي ليا وأي حد بيدعيلي.
اخر أعمال محمد نور
وكان قد شارك محمد نور في فيلم الحب بتفاصيله والذي يضم عدد كبير من نجوم الفن ومنهم: بطولة محمد نور، ملك قورة، مصطفى أبو سريع، علاء مرسى، أحمد بجة، كريم الحسينى، محمد غنيم، مصطفي عباس، كاريمان، دينا هلال، ناردين عبد السلام، تأليف كريم الحسيني و محمد مختار.
نقلاً عن : تحيا مصر
لا تعليق