بعد منشور شرف ادريس.. رضا حامد لـ تحيا مصر: شخص تافه ومأجور

رد الفنان رضا حامد على منشور الفنان شريف ادريس والذي خرج وأوضح فيه سبب طرد فنان شهير من مسرحية بودي جاد، للزعيم عادل إمام، مشيرا إلى أنه قام بإعطاء رقمه لمعجبة على المسرح وظهر معها في شكل لا يرثى لهم، ليربط الجمهور هذا المنشور باسم الفنان رضا حامد.

رضا حامد يرد على منشور شريف إدريس 

وقال رضا حامد في تصريح خاص لـ موقع تحيا مصر: لو كان يقصدني فده شخص تافه ومأجور.. انا لا يمكن اعمل كدة وكل الناس عارفين إن رضا حامد فنان محترم وهو بيصطاد في المياه العكرة وحسبي الله ونعم الوكيل فيه.

وتابع رضا حامد حديثه: اللي حصل بيني وبين استاذ عادل امام كان سوء تفاهم ليس إلا وقتها وخلص وطلعت اتكلمت عن الموضوع ده في حلقة كاملة، والزعيم انسان محترم وفنان موهوب وكوميدي من الدرجة الأولى، وأنا مطردتش من المسرحية ولا حد يقدر يطردني انا مشيت بمزاجي.

شريف ادريس يثير الجدل حول وحيد حامد 

وكان قد قال شريف ادريس في منشور عبر حسابه الرسمي بموقع التواصل الاجتماعي فيسبوك: فيه ممثل زميل كبير سناً.. بقاله فترة طويلة جدا كل مايطلع في لقاء يقول ان الاستاذ عادل امام مشاه من مسرحية بودي جارد علشان كان بيضحك اكتر منه..طيب لأول مره هحكي الواقعه اللي حضرها ناس كتير عايشين معانا في الدنيا.. في واحده من ليالي العرض الجميلة الأستاذ الزميل الممثل كتب رقمه في ورقه وحدفه لواحده معجبه في الصاله اثناء تحية العرض.. شافه حد من بتوع أمن المسرح وراح بلغ الأستاذ عادل إمام.

وتابع: تاني يوم كان أستاذ عادل قبل العرض بيقعد يوميا في الأوضة اللي بقعد فيها أنا وزمايلي الممثلين.. بنقعد ندردش شوية قبل العرض.. وفجأه الاستاذ الزميل دخل من باب المسرح ومعاه واحدة غريبة وفي حالة لا يرثي لها هما الاتنين.. فالاستاذ عادل نده مساعده وقاله مين دي وعرف انها نفس الشخصيه اللي اتحدفلها الرقم فبعت جابه وقام معاه بالواجب.

شريف ادريس: الوضع بقى مستفز 

واضاف: وطبعا استاذ عادل اخد موقف في لحظتها ودي كانت اخر ليلة عرض لهذا الزميل الممثل في مسرحية بودي جارد.. انا اول مره احكي الواقعه بس حقيقي الوضع بقي مستفز وياريت الاستاذ الزميل الممثل يحترم سنه وعيب انه يطلع يكذب علي الناس عيب بجد وياريت لو سمحتم لو اي حد يعرف اسمه بلاش يذكره في التعليقات نهائي.