تامر حسني: مريت باحبطات كتير زي التفكك الأسري والفقر وده خلاني أصر على النجاح

مستندا على قصة كفاحه في الحياة، قرر نجم الجيل تامر حسني على توجيه نصيحة إلى جمهوره ومتابعيه على مواقع التواصل الاجتماعي المختلفة، منوها بالابتعاد عن كل الاحباطات التي مروا بها.

تامر حسني يوجه نصيحة للجمهور مستندا على قصة كفاحه

وكتب تامر حسني في منشور رصده موقع تحيا مصر على حسابه الرسمي بموقع التواصل الاجتماعي فيسبوك: حبايبي اللي بيفكروا حالاً، دي رسالة ليكم..  قضبان سجن أفكارك السلبية هي من صنعك إنت، محدش حابسك والله، إنت اللي حابس نفسك مجرد ما هتبطل تفكر  بشكل يائس هتقع كل القضبان وهتخرج من سجنك وهتنجح وهتحقق كل اللي نفسك فيه وأكتر.

وتابع تامر حسني حديثه: أقسم بالله قبل ما أنجح ياما كنت بسمع جملة: إنت مستحيل تنجح، صوتك مش هيوصل، مفيكش مواصفات النجم، بالإضافة للفقر المادي القارص والتفكك الأسري من سن ٧ سنين، يعني إحباط من كل الجوانب، بس كنت مبيأسش ولا بسمع الكلام المُحبط، بالعكس كان بيحمسني أكتر ويزيدني عناد للوصول..خليكم كده وقوموا اتحركوا.

تامر حسني للمحبطين: لو مش عاجبك مكانك في الدنيا غيره انت مش تمثال 

واختتم تامر حسني حديثه: إسعوا، الحياة مش بتحب ولا هتضحك للمستسلم،، ولو مش عاجبك مكانك في الدنيا!! غيره!! إنت مش تمثال.

يذكر أن تامر حسني كان قد مر بوعكة صحية، حيث تعرض لكسر في القدم ويتردد على المستشفى باستمرار، وأعلن عن ذلك الشاعر الغنائي رمضان محمد والذي كتب: تامر حسني ده حوار كبير بجد.. بقالنا فترة كبيرة بنتكلم وبنشتغل، وعادي جدًا بنفس الحماس والطاقة اللي بتخلي كل اللي حواليه يجتهدوا ويشتغلوا أكتر”.

أزمة تامر حسني المرضية

وأضاف: “فجأة النهارده بيقولي في مكالمة إنه في المستشفى علشان عنده كسر في رجله وبيعالجه من فترة، ولا حد يعرف، ولا اشتكى، ولا حب يدي طاقة سلبية للناس اللي بيتعامل معاهم.. بجد إنسان جميل وفنان صعب يتكرر، ألف سلامة عليك يا تيمو.