تحدث نجم الجيل تامر حسني عن ألبوم لينا معاد الذي طرحه منذ أيام قليلة عبر منصات الاستماع المختلفة ولاقى إشادات واسعة من الجمهور، وعبر تامر حسني عن سعادته العارمة بهذا الألبوم وتصدره محركات البحث، كما كشف عن تعرضه لوعكة صحية ودخوله المستشفى خلال التحضير للألبوم.
تامر حسني: دخلت مستشفيات كتير وأنا من بداياتي واحد منكم
كتب الفنان تامر حسني عبر حسابه الرسمي على موقع التواصل الاجتماعي فيسبوك منشور عبر فيه عن سعادته الكبيرة بهذا الألبوم والنجاح الكبير له، كما كشف عن دخوله المستشفى أثناء التحضير للألبوم، قائلًا: “هنتهز الفرصة الجميلة دي إن أغنية الذوق العالي مع حبيبي اللي بموت فيه الكينج محمد منير تريند عام رقم واحد، وفي تريند الموسيقى لسه أول يوم أهوه، والـ ١٣ أغنية بتوع ألبوم لينا معاد في التريند.
وتابع وفقًا لما يرصد موقع تحيا مصر: “عايز أقولكم حاجة، عشان كنت أوصل إن ألبومي يدخل التريند كله، وبعيداً عن التريند يعجبكم كده… أنا مشيت مشوار كبير، أوله إني كنت بقرأ كل تعليقاتكم السلبية قبل الإيجابية، لأني عارف إنكم بتحبوني، وده خلاني أركز وأحلف جوا نفسي إني لازم أفرحكم وأخليكم فخورين بالمجهود اللي عملته، وتاني حاجة، احترمت ذكرياتكم اللي على صوتي، وتعبت تعب مش طبيعي، ودخلت مستشفيات نص السنة ومش بحب أقول ولا أنزل أخبار من دي.”

تامر حسني: تحديت نفسي في ألبوم لينا معاد إنه يعجبكم كله
أضاف تامر حسني مؤكدًا إصراره لتقديم ألبوم لينا معاد بمجموعة من الأغاني التي تنال تفاعل وإعجاب الجمهور كاملة، وقال تامر: “يا جماعة أنا بحبكوا أوي، ومن يوم ظهوري وأنا واحد منكم. عارف إن في ألبومات مكانتش قد توقعاتكم، وإن في ألبومات علامات مش هتتنسي. هي دي الحياة، شوية كده وشوية كده. بس عارف مدى حبكم لألبوم عيش بشوقك، فكان جوايا تحدي واحد بس: إني أتحدى نفسي في عيش بشوقك وأتفوق عليه، فضلت إذاكر السوق الغنائي وتغير أنماط الموسيقى اللي أنا بحترمها كلها، وبحترم كل الفنانين اللي نجحوا فيها، فضلت أطور من أدائي، وإذاكر جوا الاستوديو مع مهندسين صوت لمدة سنتين، وأجتهد مع الموزعين والملحنين والشعراء اللي بشتغل معاهم في تقديم أجدد شيء ويمكن زعلوا مني كتير من كتر ما أنا عمال أغير وأعدل وأعيد من أول وجديد. بس دلوقتي فرحتي بالدنيا وهما بيشكروني قدامكم وعلى تليفوني من الإشادات اللي سامعنها منكم في حقهم.”
تامر حسني يكشف عن أمنيته: بسعى أكون وجهة موسيقية جميلة لمصر
اختتم تامر حسني حديثه قائلّا: “اشتغلت الألبوم ده وأنا جوايا عناد رهيب إن الألبوم كله يعجبكم أكيد هيكون في تفاوت في الإعجاب، بس المهم إنكم قدرتوا مجهودي والتنوع اللي قدمته في الأوديو والڤيديو، متشكر من قلبي لكل حد نصحني، وكل حد نقدني عشان بيحبني أنا سمعت كلامكم وتعبت أوي، وانتوا أكيد شايفين، تعبت عشانكم، وعشان برضو أحاول أكون واجهة فنية موسيقية جميلة لمصر، بحكم إني بسافر كتير أغني قصاد العالم، واسمي مطرب مصري عربي، شكراً شركة TH، انتجتوا ألبوم كامل محترم شكراً صنّاع الألبوم عن ألبوم لينا معاد وكل الشكر ليكم يا أغلى الناس ربنا يفرحكم زي ما انتوا مفرحني دلوقتي بكلامكم الجميل”.
نقلاً عن : تحيا مصر
- طلاب “هندسة حلوان” يبتكرون نموذجًا متطورًا لإدارة المنشآت عبر التوأمة الرقمية - 17 يوليو، 2025
- عودة المصريين من الخارج …..هل بدأ العائدون يعيدون رسم خريطة الاقتصاد المحلي المصرى - 17 يوليو، 2025
- رغم أزمة السرقات.. مها الصغير تصدر حقيبة جديدة - 17 يوليو، 2025
لا تعليق