زيزو مطلبش 100 مليون جنيه لتجديد عقده.. ومجلس حسين لبيب فاشل

تحدث بشير التابعي لاعب فريق كرة القدم الأول بنادي الزمالك السابق، عن شائعات طلب أحمد سيد زيزو لاعب الزمالك 100 مليون جنيه للبقاء في النادي، ويستعرض تحيا مصر التفاصيل. 

بشير التابعي يعلن حقيقة طلب زيزو 100 مليون جنيه للتجديد للزمالك 

وقال بشير التابعي خلال لقائه ببرنامج “أوضة ضلمة” على شاشة قناة “هي” الذي تقدمه الإعلامية إنجي هشام: أنا بقول من ضمن المشروع بتاعه عشان الناس تبقى مؤيدة ليه أن يضمنلهم أنه يفضل قاعد، وهو مش عايز يمشي، وزيزو من أول ما لعب في الزمالك محدش سمع له مشكلة، محدش يسمع أنه طلب 100 مليون ومش هيتكسف أنه يقول كده، ومجلس الإدارة عمال يسرب تصريحات لأبو زيزو أنه طلب 100 مليون.

وتابع بشير التابعي: آخر 3 سنين كان اللعيب الوحيد المستوى ثابت وجاله عروض كتيرة من أندية الخليج، هو كان هيعدي أساطير كتير في النادي ف سلموه للجمهور يطلعوه مسرح، شبع تشريح ومحدش طلع رد، مجلس الزمالك يمضي مع لعيب فاشل وبعدها بنص ساعة .

كما رد بشير التابعي على سؤال: هل شيكابالا لسه عنده حاجة يقدمها للزمالك؟، : “كفايه اسم شيكابالا مش عارفة الناس حطاه في دماغهم ليه، هو يعني يلعب ويشتغل عشان أجيب الإهانه لأهله”.

وتحدث بشير التابعي عن مجلس إدارة الزمالك، وقال: مجلس حسين لبيب فاشل، وده اللي في قلبي بقوله، قولي مفشلش في ايه مافيش حاجة مفشلش فيها، في عقود ب700 مليون جنيه ل لاعيبه ومحدش بيلعب”.

برنامج “أوضة ضلمة”، تقدمه الإعلامية إنجي هشام على شاشة  قناة “هي” يوميًا خلال شهر رمضان من السبت إلى الخميس، في تمام الثامنة مساءً وتستضيف خلاله عددًا من نجوم الفن والرياضة الذين يتحدثون عن نجاحاتهم ومسيرتهم المميزة.

شرط زيزو للاستمرار مع الزمالك

يشترط أحمد سيد زيزو للاستمرار مع نادي الزمالك هو حصوله على مبلغ 50 مليون جنيه سنويا، ومن المقرر عقد جلسة خلال الأيام المقبلة ، تضم حازم إمام وميدو، لبحث تجديد عقده نهائيا، وإمكانية استمراره ضمن صفوف الفريق بصورة رسمية لمدة 3 مواسم.