سمعت لكلام الناس وبعدت عن التأليف والإخراج في فيلم ريستارت

تحدث الفنان تامر حسني عن فيلم ريستارت والذي يتم عرضه في السينمات المصرية والعربية خلال الفترة الحالية ضمن منافسة افلام عيد الأضحى، مشيرا إلى أنه بعد فيه عن الاخراج والتأليف تماما استماعا إلى نصيحة جمهوره بشأن أعماله الماضية.

تامر حسني : سارة وفيق أنا اللي مكتشفها بس مش بتدخل في شغلها 

وقال تامر حسني في تصريحات تليفزيونية رصدها موقع تحيا مصر: اتصور في فترة ووقف فترة وكنا بنذاكره وكان فيه تتطور بيحصل في الورق عشان بيرصد حالة بتحصل في المجتمع في الكام سنة دول ، والمخرجة سارة وفيق انا اللي مكتشفها بس انا بسيب المخرج دائما اللي بيقول أنا ممكن اقترح، انا آخر حاجة بعملها اني اروح لتامر حسني المؤلف والمخرج والملحن وسمعت كلام الناس على اني اسيب الاخراج وأيمن بهجت قمر تاني تعاون معاه وبثق فيه.

وسبق وتحدث تامر حسني عن فيلم ريستارت في تصريحات لموقع تحيا مصر، قائلا: الفيلم بيحكي عن حالة ناس كتير دلوقتي بقوا ممكن يضحوا بمبادئهم وكل حاجة في حياتهم عشان بس يوصلوا للترند أو يحققوا ريتش عالي، في ناس بتتنازل عن العلاقات، عن المبادئ، وكل ده عشان فلوس من وكالات أو رجال أعمال بيدوروا على المكسب السريع من التريند، الفيلم بيناقش ده وبيوصل رسالة مهمة.

تصريحات تامر حسني مع موقع تحيا مصر 

وأشار أيضا بشأن كواليس العمل مع هنا الزاهد ومحمد ثروت: كانت رائعة جدًا، الجو كان بسيط ومليان طاقة إيجابية، وهنا الزاهد ومحمد ثروت كان دمهم خفيف جدًا، وحقيقي استمتعت بالشغل معاهم، بسبب الحالة الحلوة اللي كنا فيها نفسي أشتغل معاهم تاني في فيلم أو تجربة جديدة قريب.

فيلم ريستارت من بطولة تامر حسني إلى جانب النجوم باسم سمرة، هنا الزاهد، والراقصة جوهرة، عصام السقا، تأليف أيمن بهجت قمر، إخراج ساره وفيق.

تفاصيل فيلم ريستارت 

وتدور أحداث العمل حول شاب يعمل فني هواتف بسيطة، ويحلم بالزواج من عفاف، وهي فتاة مؤثرة على منصات التواصل الاجتماعي. لكن أحلامهما تصطدم بعائق مادي، فيقرران مع أفراد عائلتهما خوض مغامرة بحثًا عن الشهرة عبر الإنترنت، بمساعدة شخصية غامضة تُدعى “الجوكر”، يعمل كوكيل رقمي، تبدأ العائلة في حصد النجاح والثروة، غير أن هذا التحوّل يضعهم أمام اختبار صعب، حين تبدأ القيم والمبادئ في التآكل تحت وطأة الشهرة.