أكد الإعلامي خالد الغندور، أن حسام حسن مدرب منتخب مصر يقف على مسافة واحدة من جميع اللاعبين وكذلك الأندية، ويهمه في المقام الأول التركيز من أجل تحقيق حلم التأهل لكأس العالم 2026، ويعرض موقع تحيا مصر التفاصيل.
جلسة حسام حسن مع أحمد سيد زيزو
وأضاف الغندور خلال برنامجه ستاد المحور: “حسام حسن تحدث مع زيزو حول ضرورة التركيز وعدم الانشغال بما يدور على السوشيال ميديا أو وسائل الإعلام”.
وأتم: “حسام حسن دائما ما يتحدث مع جميع اللاعبين حول ضرورة نسيان علاقتهم بأنديتهم بمجرد الانضمام لمعسكر المنتخب، وعندما يعود اللاعب لناديه يبدأ تركيزه مع فريقه، وهو ما أكده لزيزو”.
انتقال زيزو إلى الأهلي
قال خالد الغندور عبر راديو أون سبورت: “كل اللي مكتوب علي المواقع طالع من داخل النادي الأهلي، علشان كده مش هنكرز معاه”.
وأضاف: “الأهلي عاوز يوصل للإعلام إن زيزو هياخد 30 مليون، ودي حاجة مضحكة يعني عاوز من الزمالك 80 وهياخد من الأهلي 30، لما يبقي في نجم وأحب أخليه يفقد جماهيرية وجمهور الزمالك، عشان أغريه يروح المنافس لازم أديه فلوس كتير”.
وأكمل: “المعلومات اللي عندي في الأهلي عارضين عليه مبلغ كبير أوي، بجانب هدايا وعربيات، ووالد زيزو هو اللي متفق علي كل حاجة لكن التوقيع هو ممضاش لغاية دلوقتي”.
وأكد: “الصراحة والطبيعي هو ممضاش، لأن زيزو كان عنده معسكر بقاله خمس أو سبع أيام مع المنتخب وكان في المغرب، ووالده ميقدرش يمضي مكانه إلا لو كان عامل لوكيله توكيل، ووالده مش معتمد كوكيل يعني هو بيتافاوض كوالده”.
وذكر: “لو معروض عليه من النادي اللي بيلعب فيه 60-70 مليون، والنادي التاني جاب لي 100 مليون هستمر في النادي بتاعي، البني آدم اللي بيوصل لمرحلة من المال والفلوس اللي معاه 150 مليون زي اللي معاه 300 مليون، من وجهة نظري هتعيش عيشة كويسة ومتفقدش جماهيرية”.
وزاد: “اه زيزو ممكن يروح الأهلي بنسبة 50-60%، لأن زيزو جايله الريان القطري أو قطر، يعني الاختيار ما بين الأهلي وقطر”.
وأتم خالد الغندور: “قولا واحدا هل الزمالك هيجدد له لا مش هيجدد له، الطلبات المطلوبة عشان يجدد للزمالك كبيرة جدًا جدًا جدًا، حتي النادي الأهلي ميقدرش عليها”.
نقلاً عن : تحيا مصر
لا تعليق