عمليات التجميل خلت الستات شبه بعض في الشارع والبنت ملهاش غير فلوسها

كشفت النجمة سلوى خطاب، عن رأيها في عمليات التجميل والهوس المتزايد بها، مؤكدة أن التشابه الكبير بين النساء لم يعد يقتصر على الفنانات فقط، بل أصبح منتشرًا في الشارع أيضًا.

سلوى خطاب: كل البنات والستات في الشوارع شبه بعض 

وتابعت سلوى خطاب حديثها في تصريحات تليفزيونية رصدها موقع تحيا مصر: أنا مش ضد عمليات التجميل هو ده مش شكلك ليه تغيري شكلك الحقيقي،. أنا حاسة إن كل البنات والستات في الشارع بقوا شبه بعض بسبب الفيلر والتجميل”، مشددة على أنها ليست ضد عمليات التجميل طالما أنها تستخدم لتعديل أشياء بسيطة، ولكنها لا تحب الهوس بها.

وأشارت سلوى خطاب، إلى أنها أجرت “البوتوكس” بشكل خفيف ولكنها قد تنسى تجديده لعامين أو أكثر، مؤكدة أن علامات التقدم في العمر بمثابة رحلة عمر ولا ترى داعيًا لإخفائها تمامًا، متابعة:”علامات الزمن دي جميلة.. طول ما الواحد عنده قبول يبقى خلاص”.

سلوى خطاب: فلوسك وصحتك اهم حاجة تملكيها 

وتحدثت سلوى خطاب سلوى خطاب أهمية اعتناء المرأة بنفسها، قائلة: “المرأة يجب أن تهتم بصحتها وجمالها قبل أي شيء، لأن ذلك ينعكس على حالتها النفسية وقدرتها على العطاء، وأنا بحب الست اللي بتاخد بالها من نفسها، لو ماخدتش بالها من نفسها محدش هياخد باله منها، لو مش مهتمة بنفسك، مش هتقدمي حاجة لحد.. لازم تهتمي بشعرك، ببشرتك، بصحتك.. ده مهم عشان نفسك قبل أي حد تاني، لازم تشوفي زيت لشعرك وكريم لوجهك، لأن ده بيريح نفسية السيدات بشكل كبير”.

واستكملت: “فلوسك وصحتك هم الأساس.. أهم ما تملكه المرأة هو صحتها واستقلالها المادي، الست مالهاش غير فلوسها وصحتها.. كل حاجة تانية بتيجي وتروح، لكن دول الأساس”.

اخر أعمال سلوى خطاب 

يذكر، أن آخر أعمال سلوى خطاب مشاركتها في مسلسل صدفة والذي تم عرضه ضمن سباق مسلسلات رمضان 2024 وخاضت بطولته إلى جانب الفنانة ريهام حجاج، نور إيهاب، خالد الصاوي، رحاب الجمل، عصام السقا، ميار الغيطي وغيرهم الكثيرون، وحقق العمل نجاحات كبير خلال فترة عرضه ضمن السباق الرمضاني المنقضي.