حل المطرب وائل الفشني ضيفا على بودكاست فايق ورايق مع الإعلامي إبراهيم فايق، وخلال الحلقة تحدث وائل الفشني عن الكثير من الأمور التي تخص حياته الشخصية والفنية.

أبرز تصريحات وائل الفشني في بودكاست فايق ورايق

كشف وائل الفشني عن تفاصيل تخص فترة دراسته، وقال في التصريحات التي رصدها موقع تحيا مصر: في الدراسة كنت بحب العربي والدين والتاريخ بس، وكنت شاطر فيهم بسبب القرآن، لكن للأسف محفظتش القرآن كله، وجدي كان بيحفّظني وقالي أنا كنت بجهّزك علشان تبقى من الأئمة وتكمل الحكاية، لكن أنا كنت حابب الفن والمزيكا.

وعن رأيه في الفن قال: الفن الحلو المحترم اللي بيرتقي بالذوق حلال، والمدح لسيدنا النبي أنا بحبه والناس عارفة ده كويس، علشان كده بقيت شبه مولانا الشيخ الكحلاوي.. الناس قابلين مني الكلمة الحلوة في الحب وفي الدراما، وقابلين إني أمدح في سيدنا النبي، واللي بيعمل ده هو وائل الفشني.

وائل الفشني: اتقال عليا الطفل المعجزة

أما عن اكتشاف موهبته قال وائل الفشني: اتقال عليا الطفل المعجزة لفترة طويلة، وكنت هغني قدام المحافظ.. جدي ماكنش يعرف إني مطرب وصوتي حلو، لكن عم فاروق الفراش في المدرسة هو اللي اكتشفني، وأصر إنه يكلّم جدي علشان يقنعه، يومها أدوني شهادة استثمار بـ10 جنيه واتشهرت في البلد.

وائل الفشني: ربنا رزقني عشان اكون وسط العملاقة في مصر بمسلسل الحشاشين وبيت الرفاعي 

وسبق وأن حل المطرب وائل الفشني ضيف على برنامج سهرة dmc والذي تقدمه الإعلامية جاسمين طه احتفالا بعيد الفطر 2024، حيث تحدث خلاله عن النجاح الكبير الذي حققه من خلال مسلسلي الحشاشين وبيت الرفاعي والذي تم عرضه في سباق مسلسلات رمضان 2024.

وقال وائل الفشني في تصريحات رصدها موقع تحيا مصر: ربنا رزقني عشان أكون وسط العملاقة في مصر خلال الفترة الحالية، ولم أتوقع هذا النجاح الكبير لتترى الحشاشين وبيت الرفاعي وده كرم من ربنا، أنا بشتغل أعمل اللى عليا واللي ربنا عايزه بيحصل، وتتر بيت الرفاعي فكرتي وكل المجموعة اللى بتشتغل معايا وكانت فكرة خارج الصندوق.