تصدر فيديو مشاجرة بين طبيب وطليقته في أكتوبر جوجل تريند وجميع منصات السوشيال ميديا بعد ان قام طبيب يدعى إسلام علي بالاعتداء على منزل طليقته بهدف رؤية أبنته من طليقته.

فيديو مشاجرة بين طبيب وطليقته في أكتوبر

تفحص أجهزة الأمن بمديرية أمن الجيزة مقطع فيديو مشاجرة بين طبيب وطليقته في أكتوبر تداوله عبر مواقع التواصل الاجتماعي، يرصد لحظة اعتداء طبيب على طليقته ووالدها داخل مسكنهما بمدينة 6 أكتوبر، مستخدمًا عصا وموجهًا لهما ألفاظًا خادشة، بالإضافة إلى قيامه بتحطيم باب العقار.

واقعة مشاجرة طيب وطليقته في 6 أكتوبر

ووفقا لما ورد في الفيديو، ظهر المتهم الطبيب إسلام علي وهو في حالة انفعال شديدة، ممسكًا بعصا ويعتـدي على طليقته ووالدها، وسط محاولات من الأهالي للتدخل وتهدئة الموقف.. وجارٍ فحص الفيديو المتداول لتحديد ملابساته والتأكد من هوية أطراف الواقعة، تمهيدًا لاتخاذ الإجراءات القانونية اللازمة.

سيدة تستغيث من طليقها طيب في أكتوبر

وزعمت سيدة أن طليقها يعمل طيب في منشورها قائلة: أنا ميرنا أشرف صلاح، أنا ووالدي وبنتي الصغيرة 3 سنين، اتعرضنا للاعتداء من طليقي اللي اتطلقت منه بالمحكمة يوم 3 يونيو 2025.

سيدة تتهم طليقها طبيب أكتوبر بمحاولة خطب ابنتهم

وأوضحت أنهما كان في سيارتهما هي وبنتي ووالدي، قائلة: فجأة طليقي اللي ساكن جنبي في الفيلا اللي جنبنا مباشرة، كان مراقبنا طلع ورانا بالعربية في الحي الأول – ٦ أكتوبر، كسر علينا الطريق، ونزل يضرب والدي ويحاول يخطف بنتي بالقوة علشان يسفرها بره عند والده ومشفهاش تاني ويحرمني منها، مع العلم إنه من أكتر من سنة ما طلبش يشوف بنته ولا يصرف عليها جنيه.

تفاصيل خناقة طبيب اكتوبر وطليقته

وتابعت: وبيقعد ينزل فيديوهات على وسائل التواصل الاجتماعي إني حرماه منها وده مش صحيح هو عنده حكم رؤية من المحكمة يشوفها ف النادي من شهر 12 ومادفعلهاش ولا مرة ومعايا إثبات ب كده.

وأردفت: بعد التعدي علينا الناس في الشارع اتدخلوا ووالدي ركب العربية وبسرعة وصلنا للبيت، لكن لقينا طليقي جاي ورانا، وبدأ يسب ويشتمني أنا ووالدي بأبشع الشتايم، وفجأه طلع علينا وأنا شايلة بنتي على إيدي ولسه هدخل البيت لقيته ماسك شومة وسلاح أبيض وقالع القميص في الشارع منظر مرعب جدا خفت أنا وبنتي لأنه كان ممكن يقتل حد فينا بالسلاح اللي معاه لا قدر الله.

مشاجرة طبيب اكتوبر أمام فيلا طليقته بأكتوبر

وتابعت حول مشاجرة طبيب اكتوبر أمام فيلا طليقته بأكتوبر: جينا ندخل البيت لقيت اخواته ووالدته نزلوا يكملوا شتيمه معاه قدام كل الجيران وحاولت أصور كل اللي حصل لكن والدته كانت هتكسرلي الموبايل وصل الحال لحد انهم حاولوا يقتحموا البيت وطليقي كان هيقتحم البيت وقعد يكسر في باب الفيلا وبيحاول يخطف بنتي وبعدها ركب العربية ويكسر ف باب الجراج الخاص بالبيت.

واختتمت: دي مش أول مره يشتمنا قدام الجيران أنا عملت فيه محاضر لشتيمته وتهديداته المستمرة وعملت محاضر عدم تعرض ليا ولأهلي.