في ذكرى نصر أكتوبر.. حكيم: تحيا مصر وروح أبطالها اللي صنعوا المجد بدمهم

حرص المطرب حكيم على الاحتفال بذكرى نصر أكتوبر ، والتي تحل اليوم الاثنين ويحتفل بها جميع المصريين، حيث استطاعت قوات الجيش المصري عبور خط برليف وطرد الإسرائيلين من سيناء بطريقة يتحدث العالم أجمع عنها حتى الآن.

حكيم يحيى ذكرى نصر أكتوبر 

 وكتب حكيم في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام: ٦ أكتوبر.. يوم العزة والكرامة.. يوم اتولد فيه مجد مصر من جديد، في يوم زي النهارده سنة ١٩٧٣، الدنيا كلها وقفت تشوف إرادة المصريين وهي بتكسر المستحيل، جنودنا عبروا القناة، ورفعوا علم مصر على أرض سيناء، وقالوا للعالم كله إن الكرامة ليها تمن، وإن المصري لما يقول “هنقدر” — بيقدر فعلاً.

وتابع حكيم حديثه: الصوت اللي ملأ السماء كان “الله أكبر”، والدموع في كل بيت كانت دموع فخر وفرحة نصر، ده مش مجرد يوم في التاريخ، ده وعد…وعد إن مصر دايمًا قادرة، وشعبها وجيشها عمرهم ما يعرفوا المستحيل، تحيا مصر… وتحيا روح أبطالها اللي صنعوا المجد بدمهم.

نجوم الفن يحييون ذكرى نصر أكتوبر

وحرص عدد كبير من نجوم الفن على أحياء ذكرى نصر أكتوبر من خلال منشورات مختلفة على حساباتهم بمواقع التواصل الاجتماعي المختلفة، حيث كتبت يسرا: 6 أكتوبر مش مجرد ذكرى نصر… ده يوم اتولد فيه معنى الحياة من جديد، يوم أثبت إن في قلب كل مصري جندي، وفي روح كل شهيد وعد إن مصر عمرها ما تنحني هتفضل دائمًا واقفة شامخة، مرفوعة الرأس بالعزة والفخر، رحمة الله على أبطالنا اللي خلدوا اسم بلدنا في التاريخ، وسلام لمصر.. اللي دايما بتقوم من الرماد وتنور من جديد.

أما عن الفنان محمد رمضان، فكتب: النهاردة عيد النصر العظيم السادس من أكتوبر.. في هذا اليوم أشعر بالفخر أمام جمهوري وأسرتي ونفسي بأداء خدمتي العسكرية في جيش بلدي صاحب هذا الانتصار العظيم.. وخصوصًا ترقية قادتي لي كمعلم بالجناح الأساسي بسلاح الصاعقة المصرية بعد أدائي بفرقة الصاعقة. افتخر أني عشت في مكان الأساطير اللي شاركوا في هذا الانتصار بوحدات الصاعقة المصرية، كل سنة وجيشنا وشعبنا بخير ونصر وسلام.

تفكير حكيم في الاعتزال 

يذكر، أن حكيم كان قد أعلن في بداية العام الجديد عن تفكيره في اعتزال الغناء والفن وقضاء باقي وقته مع اولاده، قائلا في تصريحات إذاعية: كل سنة وانت طيبين في العام الجديد وأنا قررت اعتزل الغناء، كفاية كدة بقى وتكون بداية 2025 بالاعتزال، قررت إني أبطل غناء بإرادتي في 2025 ومحدش هز ثقتي في نفسي.. عايزة أقضي وقت مع ولادي اللي معرفش عنهم حاجة لمدة 35 سنة بسبب الشغل.