كريم نيدفيد : مكنش مسموح لى أتناقش مع البدري وتغيير مركزي ضرني وبعتذر عن تصريحي ضد السوشيال ميديا

قال كريم وليد نيدفيد، لاعب النادي الأهلي السابق، إن تصريحاته القديمة التي أثارت الجدل وقتها لم تكن خاطئة في مضمونها، ولكن توقيتها لم يكن مناسبًا، مشيرًا إلى أنه كان يبلغ من العمر 17 عامًا فقط وقتها، وكان تحت ضغط كبير من الجماهير والإعلام، ويستعرض تحيا مصر التفاصيل. 

كريم نيدفيد: من أول يوم دخلت الأهلي وانا كنت بموت نفسي في التدريب  

وتابع نيدفيد، خلال ظهوره ضيفًا على بودكاست “فنجان شاي” مع الإعلامي أحمد أسامة: “ممكن توقيت تصريحي نفسه كان غلط، التصريح ممكن يتقال ولكن في وقت تاني وبطريقة تانية وبأكثر خبرة. وقتها كنت تحت ضغط كبير، ولسه شاب عندي 17 سنة، ومكنتش مطالب أشرح المطلوب مني كلاعب، أنا بلعب وأنفذ تعليمات مدربي”.

وأضاف:”مكنتش مفتقد الدعم الجماهيري، وشخصيتي مش كده، وعمري ما فكرت ضد مصلحة زملائي. من أول يوم دخلت الأهلي وأنا مؤمن إني لازم أموت نفسي في التدريب وأنفذ كل تعليمات المدير الفني، وده يمكن ضرني أوقات لأني كنت بحط النادي قبل نفسي، بس ده اللي اتربيت عليه وده اللي شايفه صح”.

وأوضح نيدفيد أنه في تلك المرحلة لم يكن من المسموح له مناقشة المدير الفني في قراراته أو مراكز اللعب:”في سن 17 سنة، مكنش مسموحلك تقول رأيك، تلعب في أي مركز يقولك عليه المدرب، وأنا كنت بحاول أثبت نفسي. الكابتن حسام البدري كان واثق فيا جدًا، وقالي مرة هتلعب جناح عشان أدافع، وكنت بنفذ المطلوب حرفيًا لو مكنتش بعمل كده، أكيد مكنتش هلعب الماتشات اللي بعدها”.

وختم نيدفيد تصريحاته قائلًا: “يمكن كل ده ضرني في وقت من الأوقات، بس في النهاية أنا كنت بعمل اللي شايفه صح، وبنفذ تعليمات مديري الفني باقتناع تام”.

كريم نيدفيد: علاقتي برمضان صبحي دلوقتي عادية 

وقال نيدفيد:“العلاقة بيني وبين رمضان أو ناصر مش موضوع كبير، يعني مافيش تواصل على التليفون أو حاجة، لكن لما بنتقابل بنسلم على بعض ونتكلم ونتطمن، وخلاص العلاقة مش صداقة قوية، لكن برضه مافيش كره، العلاقة عادية جدًا.”

وأضاف:“كنت أنا ورمضان مع بعض في كل المنتخبات؛ الناشئين والشباب والأولمبي، فكانت علاقتي بيه أقوى شوية من ناصر بعد احتراف رمضان العلاقة قلت، لكن طول ما في تعامل بتكون العلاقة كويسة، ولما التعامل بيقل مافيش علاقة، وده طبيعي بس مافيش أي مشكلة بينا”.

وتابع نيدفيد حديثه عن انتقال رمضان صبحي إلى بيراميدز قائلًا:“موضوع بيراميدز كان قرار هو شايفه صح من وجهة نظره، وهو اللي يتحمل نتيجته. شايف العرض مناسب ليه، وده حقه في النهاية”.