كنت حاسس اني مكسور.. يوسف رأفت يتحدث عن الصعوبات في بدايته الفنية

تحدث الفنان الشاب يوسف رأفت، بطل مسلسل سيد الناس، عن الصعوبات والتحديات التي واجهها في بداية مشواره الفني، موضحا سعادته الكبيرة بما حققه من نجاحات خلال الفترة الحالية.

يوسف رأفت تكشف صعوبات بدايته الفنية 

وشارك الفنان الشاب يوسف رأفت،ـ صورة له من بدايته، كاشفا من خلال عن التحديات التي واجهها في بدايته، وفقا لما رصده موقع تحيا مصر، عبر خاصية استوري صفحته الرسمية على موقع التواصل الاجتماعي إنستجرام: عمري ماهنسى البداية شغل في مكتب كاستينج بـ 40 جنيه في اليوم، وشغل مجاميع وسط ناس كتير محدش واخد باله مني، كنت برجع البيت مكسور، حاسس اني صغير اوي، لكن جوايا يقين كبير ان ربنا شايف وبيكتبلي طريق.

وتابع يوسف رأفت: الطريق كان مر مليان خوف وشك وتعب، بس الحقيقة إن اللحظات اللي كادت تكسرني هي نفسها اللي بنتني كل دمعة نزلت كانت دعوة، وكل صبر مر كان باب نعمة مفتوح مستني اوله.

يوسف رأفت: ربنا كريم اوي وبأيده كل شئ

وأضاف الفنان الشاب يوسف رأفت في حديثه: النهاردة لما ابص ورايا، اعرف ان ربنا كريم اوي لدرجة انه يرفعك من ولا حاجة ويخليك تبقي حاجة من مكلن محدش يعرف اسمك فيه، لمكان الناس كلها تبصلك وتقول سبحان من بيده كل شئ.

واختتم يوسف رأفت حديثه: رسالتي لاي حد بيحلم ماتستهونش بالبدايات البسيطة، لان ربنا قادر يحول أضعف بداية لأعظم نهاية، الحمدلله على كل خطوة، والحمدلله أكثر على النعم اللي عمري ماتوقعت أوصلها، ولسه اللي جاي مع ربنا اعظم.

مسلسل سيد الناس

وكان الفنان الصاعد يوسف رأفت، قد شارك في مسلسل سيد الناس، بطولة الفنان عمرو سعد، والذي تم عرضه خلال موسم مسلسلات رمضان 2025، ونجح المسلسل في حصد نسب مشاهدة مرتفعة ونجاح باهرا بين الجمهور وتصدر محركات بحت التواصل الاجتماعي.

وضم مسلسل سيد الناس، في بطولته محموعة من الفنانين المميرين وهم: الهام شاهين، عمرو سعد، خالد الصاوي، احمد رزق، احمد زاهر، ملك زاهر، ريم مصكطفى، منة فضالي، احمد فهيم، جوري بكر.