كنت ساكتة احتراما لوالدته.. طليقة أحمد مكي تثير الجدل: قلة الأدب من اللي حواليه مرحمتنيش

خرجت خبيرة التجميل مي كمال الدين، طليقة أحمد مكي  لتكشف مفاجآت صادمة عن خلافاتها مع طليقها أحمد مكي، مشيرة إلى أنها صمتت كثيرا من أجل والدتها وشقيقه الأكبر والذي تكن لهم كل الاحترام والتقدير وحتى الآن تفعل ذلك لأجلهم.

طليقة أحمد مكي: انا مشترتش شيء خاص بيا أنا وأحمد ولا خرجت شتمته

وبدأت طليقة أحمد مكي حديثها في منشور رصده موقع تحيا مصر عبر حسابها الرسمي بموقع انستجرام: في حديث آية المنافق ثلاث إذا حدث كذب، وإذا عاهد أخلف، وإذا خاصم فجر، والصفات دي مش هتكون فيا لو على موتي، أولا خصوصية إيه اللي أنا محترمتهاش هل أنا نشرت شيء خاص بیني وبین أحمد، هل أنا خرجت وشتمت أحمد، هل قولت فيه كلمة تعيب فيه زي ما البعض وأغلب الناس والمشاهير تحديدا بيعملوا كده في وقت الخلاف.

وتابعت طليقة أحمد مكي حديثها: على فكره الآلية سهلة والفضايح سهلة، بس مش من طبعي ولا تربيتي أنا اتقيت ربنا في نفسي وفيه، إيه كمية التهم اللي نازلة ترف عليا وأنا اقتحمت خصوصيته وخلفت العهد.

طليقة أحمد مكي: حصل حاجات مكنتش متخيلاها وطلبت منه رد ولكن نفسي 

واضافت طليقة ميكي: مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتى اللي بينا يروح في حتة مكنتش أنا متخيلاها.

واستكملت: وقتها رضيت وسكت واحترمت أزمة وفاة والدته جدا لأن أنا بحبها وبحترمها جدا الله يرحمها طلبت منه برد جزء من اللي بيحصلي من ناس من طرفه مكنش فيه أي رد فعل منه اكتشف بعد شهور تحديدا يوم عيد ميلاده  فيديو ملهوش أي لازمة إن أحمد له علاقة بـ حد معين وبعدها فيديو ينزل ليا بصوري وإن أنا عروسة أحمد مكي.

طليقة أحمد مكي: قلة أدب من اللي حواليه مرحمتنيش

وفي تصريحات جريئة، قالت: حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه وبرضه المشاكل وقلة أدب من اللي حواليه مرحمتنيش، ومسدجات خاصة بينا وأمور خاصة بينا اتعرفت عند اللي حواليه معرفش منين أنا اتصدمت جدًا، إزاي ودي بيني وبينه هو فقط، بعتله إني ساكتة احتراما لوالدته وأخوه الكبير فقط مش أكتر، ولحد دلوقتي بعمل كده علشان والدته وأخوه فقط فسبب كلامي، وأنا مبحبش أبان ضعيفة أو مكسورة أو أصعب على حد ولا بحب الصعبانيات، فعلا بحترمه وبقدر الخير الى بينا.

طليقة مكي: أنا برد جزء كبير من نفسيتي اللي تشوهت

واختتمت طليقة أحمد مكي حديثها: مينفعش أنا أو هو مهما كان بينا يتقال كلام أكاذيب زي الي سمعتها من اللي حواليه عارفة أنه اضايق  بسبب موضوع السوشيال ميديا بس ليه الهوجة مطلعتش وقت أن اتقال عروسة أحمد مكي، أنا برد جزء كبير من نفسيتي اللي تشوهت وحتى الآن أنا شايلة اسم أبويا الله يرحمه، مش فارقلي حد، هل طلبت حق من أحمد أو يرد لي ربع اللي عملته معاه؟ أحمد نفسه عارف إنه مشفش مني غير كل خير وأنا كذلك هفتكر له الخير في الأصول احتراما لوالدته الله يرحمها وتقديرا لها.