متخلفوش بدري لأن الطفل بيشقلب الدنيا.. أبرز تصريحات يسرا اللوزي مع انجي علي

حلت الفنانة يسرا اللوزي ضيفة على برنامج أسرار النجوم، والذي تقدمه الإعلامية انجي علي على راديو نجوم اف ام، وتحدثت خلاله بالعديد من التصريحات الهامة، كما كشفت وصفة الزواج الناجح خلال البرنامج.

يسرا اللوزي أن نجاح الزواج: متخلفوش بدري وأدوا فرصة لنفسكم تعرفوا عيشة بعض

وقالت يسرا اللوزي في تصريحات رصدها موقع تحيا مصر: مينفعش نتجوز عشان نمشي من بيت ماما وبابا لأنهم خانقنا، عشان ده اوحش قرار هتاخديه في حياتك بعد كدة، لازم تكوني مختارة الشخص الصح، واوعوا تخلفوا بدري، من حق أي اتنين بعد الجواز يتعرفوا على العيشة مع بعض عاملة ازاي ويعيشوا شوية رومانسية عشان لما بيجي الطفل الحياة بتتشقلب ومفيش راجعة.

وتابعت يسرا اللوزي حديثها: الزواج مشاركة بمعنى أن الزوج والزوجة لازم يساعدوا بعض في كل حاجة ولازم اتعلم فكرة اني أضحى عشان الاخر.

يسرا اللوزي عن الجيل الجديد من الفنانين: مبيحترموش الخبرة

 وتحدثت يسرا اللوزي أيضا عن الجيل الجديد من الفنانين، قائلة: الشغلانة كان ليها أصول وفي حاجات تصح وحاجات متصحش، شهرة السوشيال الميديا السريعة يعني النهاردة مش معروف وبكرة معروف أوي وعنده مليون متابع وبقى شايف نفسه حاجة، الشخص ده بيصعب عليا لأنه ضحية لأن الموضوع بيضرب في دماغه وبيجيله جنون عظمة، والواحد لو مش ثابت أوي وعارف أصله هيروح بسرعة”.

واضافت يسرا اللوزي في حديثها: الناس دي بتروح في حتة غلط وسمعتهم بتبقى وحشة وبيعملوا شغل وحش ورافضين يذاكروا، ومبيحترموش الخبرة ومش عارفين القوانين بتاعة التعامل في فريق العمل، والجيل ده بجد محتاج يقعد مع الجيل الأكبر منه قبل ما يروح ويشوف بيتعامل ويشتغل إزاي.

يسرا اللوزي: كان نفسي أسأل سعاد حسني ليه مش مقدرة قيمة نفسها 

وكشفت يسرا اللوزي عن أمنيتها في مقابلة الفنانة الراحلة سعاد حسني، قائلة: كان نفسي أقابل سعاد حسني وأقولها: إنتِ ليه مش مقدرة قيمة نفسك؟ من حكايات الناس المقربين ليها، كنت بحس إنها مكنتش مدركة قد إيه هي كبيرة.

يذكر أن آخر أعمال يسرا اللوزي مشاركتها في مسلسل لام شمسية والذي تم عرضه ضمن سباق مسلسلات رمضان 2025.