متزعلوش لما تلاقوا الناس بتكسب من الهوا.. النعم مش فلوس بس

وجه الفنان وائل عبد العزيز، شقيق الفنانة ياسمين عبد العزيز رسالة إلى الجمهور ومتابعيه عبر مواقع التواصل الاجتماعي وذلك بعد القبض على عدد من التيك توكر في الساعات الماضية واكتشاف مبالغ مهولة معهم.

وائل عبد العزيز: متزعلش لما تلاقي حد بيكسل من الهوى وافتخر بنفسك وتربيتك 

وكتب وائل عبد العزيز في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك: اوعي يا شباب حد يزعل علي حاله لما يلاقي ناس بتكسب من الهواء أرقام كبيره .. انت محترم واختك وامك محترمين بتكسب من عرق جبينك وأبوك تعب في تربيتك واختك في بيتها حافظه نفسها وقابضه علي دينها .. افتخر بنفسك وباهلك وتربيتك ورجولتك وكمل واحمد ربنا علي نعمه الكتير.

وائل عبد العزيز: النعم مش بس فلوس.. كمل انت على الطريق الصحيح 

وتابع وائل عبد العزيز حديثه: النعم مش فلوس بس .. في نعمه التربيه والاحترام والرضا ونظره الناس ليك نعمه النوم وفي بطنك حلال ربنا نعمه رضا ربنا عليك وحب اهلك واحترام صحابك ليك .. كمل يا صديقي انت علي الطريق الصحيح كمل وربنا حاميك وهتوصل لكل الي انت عايزه.

حملة القبض على التيك توكر

جدير بالذكر، أنه انشغل عدد كبير من رواد مواقع التواصل الاجتماعي منذ قليل بحملة القبض على التيك توكر التي قامت بها وزارة الداخلية أمس، حيث قبضت على كل من سوزي الادرنية، أم ساجدة، أم ماجدة، مداهم، واخيرا شاكر محظور دلوقتي وذلك بتهمة نشر محتوى فاسد يحرض على الفسق والفجور.

وتفاعل عدد من نجوم الفن مع تلك الأزمة بين مؤيد ومعارض، كما أطلقت حملة منذ قليل تطالب بحذف التيك توك نهائيا من مصر ولكن هو الأمر الذي اعترض عليه الفنان صبري فواز، قائلا: وجهة النظر الصـ..هـ.يـ.ـونية هي اللي كانت سايدة في العالم كله ، بسبب سيطرتهم التامة على كل وسائل الإعلام و شبكات التواصل الاجتماعي  ..و اللي نبه العالم للحقيقة و قدم وجهة نظر مختلفة، خلت العالم كله يتعاطف مع فـ..ـلـسـ..ـطين و يدين الصـ..ـهـاينة .. كان التيك توك .. لأنه الوسيلة الوحيدة اللى برة سيطرتهم، يعني التيك توك وسيلة مهمة جدا جدا جدا، انتم اللي بتستخدموها غلط .. فياريت نعقل كده و نشوف احنا بنقول أيه و بنطالب بأيه  قبل ما نسخن قوي.