مش معترض على عمل زوجتي في التمثيل.. وأنا اللي رشحت عزيز الشافعي في اراب ايدول

حل الشاعر الغنائي أمير طعيمة اليوم السبت ضيفا على أحد البرامج التلفزيونية المذاعة خلال شهر رمضان الجاري، وأثناء الحلقة تحدث أمير طعيمة عن الكثير من الأمور التي تخص حياته الفنية والشخصية، وفي ذلك التقرير سيرصد موقع تحيا مصر أبرز تصريحاته في الحلقة.

أبرز تصريحات أمير طعيمة اليوم

• انا بشوف نفسي في حتة تانية
• لما دنيا انفصلت فنيا عن هشام جمال اكتشفت ان الموضوع مرتبط بيه مش بيها
• انا واخد عهد على أن نفسي أن لو طلعت موضة جديدة من الموسيقى مش ههاجمها لأن احنا اتهاجمنا في بدايتنا
• طلعت زين تنبألي بحاجات كتير حصلت وكان شايف أني هكون حاجة كبيرة أوي
• أنا اللي رشحت عزيز الشافعي في اراب ايدول وأنا اللي كنت هبقى المقدم بس هما كانوا عايزين مذيع من جنسية مختلفة
• محمد فؤاد أعجوبة وعنده عوامل يا بخت اللي عنده نصها ونفسي يرجع يعمل أغاني كتير

أمير طعيمة: وردة الجزائرية بعتبرها أمي

• وردة جميلة وطيب ومتواضعة وبحس أنها أمي كانت بتجيب لنا ساندويتشات في الاستديو
• كنت شغال في شركة مالتي ناشونال وكنت باخد مرتب حلو في أول سنتين ليا في التأليف وفي 2002 بعد أغنية منايا أخدت قرار أني أسيب الشركة وأبويا وأمي شجعوني على القرار دي ودا أصعب قرار في حياتي
• مراتي يسرا عندها معايير معينة في التمثيل شبه المعايير اللي عندي وأنا مش معترض عليها وعندها طموح غير محدود وهي هتنجح عشان بتعرف تختار كويس
• 2008 كان في مخرجين صحابي عايزني امثل وكان في فيلم اسمه عرض البحر ومضيته مع خالد صالح عن الهجرة الشرعية بس الموضوع مكملش ولو كملت مكنش هبعد عن التأليف

أمير طعيمة عن سعد لمجرد: مقتنعين بفنه وتعامله معانا

وكان قد انتفض عدد كبير من الجمهور خاصة المصريين لـ حذف أغنية “من أول دقيقة”، الذي تعاون بها سعد لمجرد مع الفنانة إليسا، وكانت من كلمات الشاعر المصري أمير طعيمة.

ورد أمير طعيمة على تلك المطالبات فقال خلال حلوله ضيفا على برنامج et بالعربي: “الناس مش عارفين يفصلوا حبنا لـ سعد، بموجب علاقتنا بيه بموجب اللي شوفناه منه، بموجب اقتناعنا بفنه وتعامله معنا، أنا عمري ما شوفت من سعد حاجة وحشة، هو في أزمة كبيرة أتمنى أنه يخرج منها على خير، من غير ما يكون في أي ظلم للأى طرف”.