مش ندمان على رفض عبده موته واسم محمد رمضان لازم يجي قبلي

حل الفنان محمد رجب ضيف على برنامج أسرار والذي تقدمه الإعلامية أميرة بدر على شاشة قنوات النهار، وتحدث من خلال بالعديد من التصريحات الهامة والمؤثرة والمثيرة، خاصة بشأن عمله مع محمد رمضان ورفضه فيلم عبده موتة 

محمد رجب: مش ندمان على رفض فيلم عبده موته هو مكنش نوعيتي في الأعمال 

تحدث محمد رجب عن رفضه المشاركة في فيلم عبده موتة والذي قدمه الفنان محمد رمضان فيما بعض، حيث قال في تصريحات رصدها موقع تحيا مصر: محمد رمضان ماكانش بيقبل كل الأدوار اللي كنت برفضها، وهو من النجوم اللي بحبهم وبحب اجتهاده، أنا مكنتش عايز أعمل النوعية دي من الأفلام، وقعد الفيلم سنين كتيره، لحد ما بقى عبده موته من نصيب محمد رمضان، ومش معنى إن محمد رمضان نجح في الفيلم النجاح العظيم ده؛ إني كنت هنجح زيه، هو بتاع محمد رمضان.

وبشأن العمل مع محمد رمضان، قال محمد رجب: معنديش مشكلة اشتغل معاه وموقفي مترتب على الدور من ناحية حجمه والوضع اللي هبقى في الفيلم عامل ازاي ولازم اشوف الورق الأول، أنا بحب محمد رمضان ولو في موضوع يليق بيا وبحجمي أعمله.

محمد رجب: محمد رمضان ميجا ستار فاسمه لازم يتكتب قبل اسمي 

واستكمل محمد رجب حديثه، قائلا: محمد رمضان ميجا ستار وأنا ستار، المفروض اسمه يتكتب قبل اسمي على العمل، وعشان اقدر أروح المشوار اللي أنا عايزة لازم اعرف أنا قاعد فين الأول، وهدفي أكون ميجا ستار وأنا بعمل اللي عليها وإنها تيجي أو متجيش شيء بتاع ربنا.

وتحدث محمد رجب عن انحصاره في ادوار الشر، فقال: قدمت 12 فيلم كنت بطلع فيهم شرير غني ومعاه عربية والبطل بيحب واحده وأنا بيضايقه ولما وصلت للمرحلة دي تعبت وكنت بدخل السينما اتشتم كتير، مش قادر استحمل إني لما اخش مكان عام الناس تنفر وتخاف حتى لو بدعوى النجاح ومليت من كلمة ده نجاح والأفلام والأدوار بقت شبه بعضها.

محمد رجب: بحب قاعدة البيت ومش بخرج الا للضرورة

وعن قلة ظهوره في المهرجانات الفنية، قال أحمد رجب: معنديش مشكلة مع الظهور في المهرجانات وعندي أصحاب في الوسط الفني يربطني بهم عشرة وذكريات لكن أنا مُقل في الظهور ولما بخرج بيكون للضرورة وأنا بحب البيت وممكن أكون في وقت تحضير شغل أو تنفيذ أعمال فنية.

وتابع محمد رجب حديث عن خلافه مع السبكي مشيرا ولا إن الأمر تصلح بينهم ويعملان حاليا معا فيلم جديد من المقرر أن يخرج إلى النور قريبا.