مصطفى حدوتة بعد ترشح أغنيته للجرامي: حققت أهم وأحلى حاجة مع محمد رمضان

أعرب الشاعر مصطفى حدوتة عن سعادته البالغة بمشاركة أغنية أنا أنت للنجم محمد رمضان في المرحلة الأولى من سباق جوائز الجرامي 2025، وذلك بعد غياب ترشيح الأعمال المصرية للجرامي بعد ما يقرب من 20 عام.

مصطفى حدوتة يعلق على ترشيح أغنية أنا انت لجوائز جرامي

وقال حدوتة عبر حسابه على موقع انستجرام في منشور رصده موقع تحيا مصر: ‎بعد تجارب وشغل كتير بدأ من أول أغنية (ثابت) اللي ليها معايا حكاية خاصة لأنها اتسجلت يوم فرحي ونزلت أول يوم جوازي عشان أمضي عقودها، وبعد أغاني كتير منهم “خمسة كل خميس” و “أنا البلد” و”رقم واحد يا أنصاص” لحد “إيه يا قلبي” و “أنا أنت” كانت رحلة ممتعة وتجارب رائعة.

وأضاف: ولكن أنا كنت تعبان نفسيًا جدًا وأنا شغال مع محمد رمضان إني محققتش أكبر رقم معاه وده بيسببلي إزعاج كبير جدًا .. ولكن السنة دي حققت معاه حاجه أحلى وأهم الحمد لله إن أغنية (أنا – أنت) اترشحت للجائزة الأكبر للموسيقى في العالم وهي جائزة (الجرامي).

مصطفى حدوتة: جائزة جرامي مترشحش ليها فنان مصر من 20 سنة 

وأردف مصطفى حدوتة: وللعلم الجائزة دي ماترشحش ليها فنان مصري من ٢٠ سنة ولم يفز بها إلا فنان مصري وحيد وهو الموسيقار (فتحي سلامة) وده حدث تاريخي بالنسبة لي وبالنسبالنا كمصريين.

كما وجه مصطفى حدوتة الشكر لكل الصناع الذي تعاون معهم في الأغاني التي جمعته مع النجم محمد رمضان، وخص بالذكر صناع أغنية “أنا – أنت”: ‎بشكر الفنان محمد رمضان ع ثقته الكبيرة فيا وبشكر كل اللي تعاونوا معايا ومعاه في كل أغانينا وأخص بالشكر بصناع (أنا – أنت) وهما أخواتي كولبيكس ومصطفى تاج ، بالتوفيق والنجاح للجميع.

محمد رمضان يحتفل بترشيح أغنيته لـ جوائز جرامي 

وكان قد احتفل محمد رمضان بهذا الحدث على حسابه الرسمي بموقع تبادل الصور والفيديوهات انستجرام، قائلا: الحمد لله دخول اسمي رسمياً في المرحلة الاولى لجوائز mr1 جرامي بأغنية ( أنا أنت ( يعرف العالم قوة جمهوري بتوصل لفين … الليلة التصفيات الأولى للمرشحين ثقة في الله أول جرامي هتوصل مصر وسايبلكم الاكونت بتاعهم.