ياسمين عز: كان عندنا ممنوع اللمس عشان كدة طلعت إنسانة متحاوط عليا من جميع التحرشات

تحدثت الإعلامية ياسمين عز خلال برنامجها كلام الناس والمذاع على قناة mbc مصر، عن العديد من القضايا الهامة التي شغلت الرأي العام في الأيام الأخيرة، من بينها المدرس الذي كان يتحدث عن السعودية بطريقة مسيئة.

ياسمين عز تهاجم مدرس أساء للسعودية: فين وزارة التربية والتعليم منك؟ انت نموذج سيء

وقالت ياسمين عز في تصريحات رصدها موقع تحيا مصر ، مهاجمة هذا المدرس: طالع لامم الطلبة وبدل ما يقولهم إن واخواتها أو كان واخواتها طالع بيعلم الطلبة بتوعه درس عن الفتنة وعدم الأمانة وبيغلط في السعوديين، طول عمرنا بنقول في مدارسنا المملكة العربية السعودية الشقيقة والشعب السعودي الحبيب، طالع ليه تعمل فتنة ما بينا.

وتابعت ياسمين عز حديثها: طول عمر المصريين عايشين في السعودية والسعوديين عايشين في مصر سمنة على عسل وطالع تقول احنا 7 آلاف سنة حضارة، الحضارة بريئة منك ومن أمثالك.. احنا حضارة الادب والاحترام والرقي، انت نموذج سيء ومتفرد وفين وزارة التربية والتعليم منك.

ياسمين عز توجه نصيحة للامهات بعد الاعتداء على طفل من مدرسه 

وفي واقعة تحرش جديدة من طفل على مدرسه، حرصت ياسمين عز على توجيه نصيحة للامهات، قالت فيها:  لازم كل يوم تسألي عيالك عملوا اي ومين لمسهم والخربوش اللي في ايده د من مين وتفتشي في جسمهم وتعرفي مين لمسهم.. ومين المدرسين اللي بيحبوهم ومين لا، اكيد هتحسي اي وقت ان ابنك في خطر وتقدري تلحقيه.

وتابعت ياسمين عز: انا كنت أما أروح من اي حتة لازم اقعد مع ماما احكيلها كل تفصيله والحمدلله متربية في بيت ممنوع فيه اللمس فكان متحاوط عليا من جميع التحرشات، كانوا أهالينا زمان يشوفوا لو فيه حاجة في رقبتنا ولا أيدينا وده اللي لازم يحصل يوميا مع ابنك او بنتك في أي سن، احنا في زمن وحش.

ياسمين عز تعلق على واقعة راغب علامة بطريقة طريفة

وكانت قد علقت ياسمين عز في وقت سابق على واقعة راغب علامة مع معجباته على المسرح بطريقة طريفة، قائلة: طالعة تبوسي مطرب ليه ما تبوسي جوزك في البيت هو أولى من الغريب، مبوستيش فرعونك من يوم الصباحية راحة تبوسي المغني.. بوسي جوزك عنده جفاف عاطفي من الحرب العالمية الثانية وفري شوية بوس للراجل الغلبان الشقيان.