ياسمين نيازي: كنت غايبة عشان أنا مش بقتنع بأي حاجة وناس كتير كانت بتحاربني

تحدثت المطربة ياسمين نيازي، عن الأسباب التي جعلتها تبتعد عن الفن خلال الفترة الماضية، موضحة انها خلال الفترة القادمة سوف تقدم أغنية جديدة، وان هناك بعض الاشخاص المحاربين  سوف توجه لهم بعض الكلمات

ياسمين نيازي تكشف عن سبب ابتعادها عن الفن

وكتبت المطربة ياسمين نيازي، منشورا، وفقا لما رصده موقع تحيا مصر، عبر صفحتها الرسمية على موقع التواصل الاجتماعي فيسبوك قالت فيه:  بوست طويل شوية وأتمنى تشوفوه بقلبكم قبل عيونكم الناس اللي بتقول إنتي فين؟ أنا إنسانه مينفعش أغني أي شيء مش مقتنعة بيه عشان كدا بتأخر غير إن الظروف الإنتاجية مبقتش زي زمان المطرب مننا بيحتاج دعم معنوي أكتر من مادي عشان يعرف يستمر.

وتابعت ياسمين نيازي حديثها: أنا أحيانًا بضعف وبقول خلاص بس بكمل من كلام الناس اللي بتحبني وبتدعمني سامحوني أنا بفضفض معاكم لأول مرة ومش مكسوفه لأنكم أخواتي وأصدقائي ولو نجحت ف يوم من الأيام ف كان بسببكم أنتو بعد توفيق ربنا.

ياسمين نيازي تتحدث عن أعمالها الفنية

وأضافت ياسمين نيازي: بحاول أبذل كل ما في مقدرتي أني أكون موجودة وعارفة إنكم بتعذروني رغم كومنتات كتير وكلام سلبي كتير بيكسر ويوجع القلب أول ألبوماتي كان شكلك هتوحشني 2007 وبعده حبك عامل سيطرة ف 2011 كسرو الدنيا الحمد لله، وبعدها توقفت شوية لانفصالي عن الشركة اللي كنت معاهم لأسباب كتير ومع ذلك مقولتش زي غيري ف الصحافة لأني زي م قولت بحترم نفسي وشغلي قبل أي شيء وبعدهم نزلت سينجل عاند وكابر 2016 وبعد كدا عملت ميني ألبوم اسمه هرقص مصر مع شركة محترمة وحقق نجاح كويس الحمدلله رغم إن الدعاية كانت ضعيفة جدًا.. وبعد كده عملت مسلسل سابع جار وكان تجربة جميلة ووصلت للناس ورجعتني للناس وغنيت أغنية المسلسل  في ناس مع هاني عادل.

وواصلت: مع ذلك كملت وفي 2023 تعاقدت مع شركة تاني لتنفيذ أغنيتين ( بروحلك، ومالي العين ) والحمدلله لاقوا نجاح ورجعوني بشكل برضوا يرضيني رغم الدعاية اللي كانت ( صفر) لأني قدمت شكل جديد وسط اللي موجود من مهرجانات ودلوقتي شغاله علي أغاني جديده قريب هتنزل أول أغنيه فيهم وبتمنى من ربنا النجاح بيها  فـ سامحوني لو طولت عليكم احنا ف حرب وتخيل انك بتحارب لوحدك فـ أعذروني لو بتأخر أحيانًا بس من حبي فيكم واحترامي لـ اللي عايزة أقدمه من موسيقي بتمنى تعيش زي اللي عاش لغاية النهاردة من مشواري.

ياسمين نيازي تتحدث عن الأشخاص المحاربين لها

وتابعت: كلامي ده لأن ناس كتير فكراني بطلت غنى وناس بتحاربني من تحت الترابيزة زي ما بيقولو بالبلدي، بس كل اللي بطلبوا منكم تكونوا رحماء شويه بس في كومنتاتكم لأي فنان لأنكم متعرفوش التفاصيل والحرب اللي بيعيشها وبالأخص لو عايز يكمل ف شكل معين يرضيه ويرضي جمهوره.