“العريس سابني بسبب النقاب”.. سما المصري تثير الجدل مجددًا بالعريس والنقاب

أثارت الفنانة سما المصري حالة من الجدل مجددًا، وذلك من خلال ظهورها في لايف على منصة التيك توك بحديثها عن الحجاب والعريس المتقدم لزواجها واشتراطه على لبسها النقاب.

سما المصري تثير الجدل بحديثها عن النقاب

ونشرت الفنانة سما المصري على صفحتها الشخصية “فيسبوك”، منشورًا تتحدث فيه عن النقاب قائلة: “العريس قالي البسي النقاب قلت له لا مش هلبسه لأنه مش في القرآن إنه فرض، وماعرفش يجيبلي إيه في القرآن إنه فرض وسبنا بعض عشان كده..هو أنا غلطت؟؟هو النقاب فرض؟؟”.

سما المصري تثير الجدل بتصريحاتها

وفي سياق متصل، أثارت الفنانة سما المصري الجدل من جديد بشأن حديثها عن كواليس ارتداء الحجاب، مناشدة جمهورها بعدم التعرض للفتيات غير المحجبات.

وظهرت سما المصري في مقطع فيديو من خلال حسابها الرسمي عبر موقع تبادل الصور والفيديوهات القصيرة “إنستجرام”، وقالت: “أنا مش هتكلم عن الحجاب، لأنه أمر بيني وبين ربنا، ممكن أقول كلام كتير أو أظهر مشاعر مختلفة، لكن مش بحب أتكلم بالطريقة دي، ولما ظهرت في فيديو سابق وبكيت بسبب موضوع الحجاب، كان من منطلق إحساسي الشخصي”.

وأضافت: “الدين الإسلامي دين وسطي، مش دين تعسفي، ومينفعش نضغط على البنت اللي مش لابسة حجاب، سيبوها في حالها، وأنا شخصيا لما كنت لابسة الحجاب كان في ناس بينتقدوني، وناس تانية كانت بتدعيلي، وفي النهاية ربنا هداني ولبسته الحمد لله”.

تابعت: “النهارده كمان عندي لايف الساعة 11 بالليل على تيك توك، بناء على طلب المتابعين والمعلنين اللي حابين أتكلم عن منتجاتهم، الحمد لله التفاعل كان كويس جدا، واستنوني الليلة، اللي حابب يتابعني يعمل متابعة، ورابط التيك توك موجود في البايو، واللي عايز إعلان يبعتلي رسالة.. أشوفكم بخير يا رب”.