بعد ارتدائها الحجاب.. أسما شريف منير: حاسة اني بقرب من ربنا بكل خطوة ببعد فيها عن الغلط

حرصت الإعلامية أسما شريف منير على الحديث عن رحلتها في التقرب إلى الله، وذلك بعدما أخذت خطوة ارتداء الحجاب، مشيرة إلى أنها احيانا تشعر بالحزن للتخلي عن بعض الأشياء مثل أظافرها ولكن احساسها بالتقرب إلى الله أفضل.

أسما شريف منير تكشف خطواتها بعد ارتداء الحجاب 

وكتبت أسما شريف منير في منشور رصده موقع تحيا مصر على حسابها الرسمي بموقع تبادل الصور والفيديوهات انستجرام:  أنا اكتشفت إن ساعات أكبر مكسب في حياتي بييجي من الحاجات اللي بسيبها وببقي فاكرة إني مش هقدر أعيش من غيرها.

وتابعت أسما شريف منير حديثها: في لحظة صدق مع نفسي، قلت خلاص… اللي بيبعدني عن ربنا مش ليا انا هحاول وحده وحده . يمكن بقريف كده زي مثلاً ضوافري انا بقالي ٩ سنين بعملهم چل و بحد بحب ضوافري حب مش عادي، فا قصرتهم و شلت كل حاجة، حاسه اني بقرب من ربنا بكل خطوه ببعد عن الغلط او الشك، مع الوقت فهمت إن ربنا عمره ما بيطلب مني أسيب حاجة إلا وهو محضرلي أجمل منها، اللي كل شويه بسيبه لله، رجعلي أضعاف في راحة، في بركة، وفي حاجات ما كنتش متخيلة إنها هتكون ليا.

أسما شريف منير ترتدي الحجاب

يذكر أن اسما شريف منير قد أعلنت في 7 سبتمبر ارتداءها الحجاب، حيث كتبت في منشور عبر انستجرام: الحمد لله.. مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح، الحجاب مش مجرد لبس، ده قرار من القلب، عهد بيني وبين ربنا، وراحة ما تتوصفش”.

وطلبت اسما من جمهورها الدعاء بالثبات، قائلة إنها ما زالت في بداية هذه الرحلة الروحية وتحتاج إلى دعم معنوي ومساعدة في اختيار ملابس محتشمة تتماشى مع قرارها الجديد، مضيفة: “ادعولي بالثبات… ومحتاجة أماكن فيها لبس حلو يساعدني أكمل الطريق ده”.

أسما شريف منير تتحدث عن خطوة ارتداءها الحجاب 

وتحدثت أسما عن خطوة ارتداءها الحجاب، قائلة: الحمدلله قلبي مليان امتنان وكل يوم بحس إني عايزة اعمل أكتر وأكبر، يمكن الطريق مش سهل بس كل خطوة فيها بركة وخير واللي جاي لسة أجمل بإذن الله.