بسنت النبراوي: عرفت جوزي بالصدفة عن طريق السوشيال ميديا ومكنتش متوقعة أننا نتجوز

كشفت الفنانة بسنت النبراوي، عن بداية تعارفها بزوجها، مشيرة انها تعرفت عليه بالصدفة عن طريق السوشيال ميديا، ولم تكن تتوقع أن ينتهي بالزواج.

بسنت النبراوي تكشف عن زواجها من على السوشيال ميديا

وتحدثت الفنانة بسنت النبراوي، في تصريحات خلال لقاءها في برنامج الستات ميعرفوش يكدبوا، وفقا لما رصده موقع تحيا مصر، الذي يتم عرضه عبر شاشة cbc، قائلا: انا اتجوزت عن طريق السوشيال ميديا اصلا هو بعتلي add، على الفيسبوك، وانا كنت عماله امسح الناس الزيادة اللي بعتولي، عشان مايتقفلش الادد فريندز خالص وبالصدفة عملت ليه Accept والله العظيم بالغلط، وبعيدن قلت الواد ده حلوة كده ليه، اتكلمنا وخدنا ارقام بعض، وابتدينا ننزل مع بعض، وعرفني على اصحابه ومرتاتهم، ومرة في مرة بقينا اصدقاء قوي، وواحدة واحدة اتجوزنا.

وتابعت بسنت النبراوي حديثها، ان اول مايلفت نظرها على السوشيال ميديا في الشخص هو الكلام اللي بيكتبه مش الصور او البوستات، قائلة: الكلام اللي بيتكتب، بيعبر بنسبة 90% حتي لو بيكذب شوية، ده إن كان فهمه اصلا مش ناقلة.

بسنت النبراوي تتحدث عن ظاهرة الفلاتر

كما تحدثت الفنانة بسنت النبراوي، عن ظاهرة الفلاتر التي اصبحت منشرة على مواقع التواصل الاجتماعي، قائلة: لو لقيته في الحقيقة شكله مختلف عن صور الفيسبوك، بس نضيف في نفسه ولطيف ومرح، عادي هستغرب بس هكمل، بس وقت مااتعرفت على جوزي الكلام ده كان زمان ومكنش في فيس اب ولا الحاجات ظي اصلا

آخر أعمال الفنانة بسنت النبراوي

والجدير بالذكر أن آخر أعمال الفنانة بسنت النبراوي، هو مشاركتها في حكاية الوكيل من مسلسل ماتراه ليس كما يبدو، بطولة الفنان أحمد مراد، والفنان أحمد فهيم، والتي تم طرحها خلال الايام الماضية عبر شاشة دي ام سي، وحققت الحكاية نجاحا كبيرا بين الجمهور ونسب مشاهدة مرتفعة.

وشارك في بطولة حكاية الوكيل من مسلسل ماتراه ليس كما يبدو، عدد من النجوم أبرزهم: مراد مكرم، احمد فهيم، تامر فرج، محمد طعيمة، أميرة الشريف، محسن محيي الدين، بجانب عدد آخر من النجوم الشباب.