هعمل أي حاجة عشان تكوني مبسوطة.. وئام مجدي تحيي ذكرى ميلاد جدتها

حرصت الفنانة وئام مجدي، على إحياء ذكرى ميلاد جدتها الراحلة، بكلمات مؤثرة، وذلك عبر موقع الفيديوهات والصور القصيرة إنستجرام.

وئام مجدي تحيي ذكرى ميلاد جدتها

وشاركت الفنانة وئام مجدي، فيديو قديم مع جدتها، فقا لما رصده موقع تحيا مصر، عبر صفحتها الرسمية على موقع التواصل الاجتماعي إنستجرام وعلقت عليه: بوست طويل أوي بس هي تستاهل فيها كل كلمة، النهارده عيد ميلادك الـ 88 في الدنيا والأول في الجنة إن شاء الله، ناس كتير ما تعرفش إني كنت بمثل من 2014 من قبل فيديوهات تيته بـ 6 سنين، بس هي حاجة تانية، هي خدتني من مكان لمكان، مش بس عند الناس أو التمثيل، بس ده في الحياة. أنا كنت في حالة نفسية وحشة لدرجة محدش كان هيصدقها لوئام اللي تعرفوها دلوقتي

وتابعت: كنت عارفة إنك هتمشي قبل ما تمشي بـ 6 شهور، كنت شايفاكي بتتعذبي بس ما فيش أي حاجة تتعمل غير إني أسكت، الفترة دي أنا كنت لوحدي حرفيًا لوحدي، حتى أمي كانت لوحدها محدش فينا عارف يساعد التاني، حتى الفترة دي أنا ما اتغيرتش عادي، أنا شوفت كل حاجة بشكل مختلف. أنا للأسف شخص حساس لدرجة مؤذية، فلما حد بيمشي بتأذى، لكن لما إنتِ مشيتي أنا ما تأذتش أنا بس فضيت، ما بقيتش قادرة لأي حاجة غير اللي هيخليني مرتاحة، مش مهم أي حد.

وئام مجدي تتذكر جدتها

كل لما حد يقولي وئام أنت بتضحكي على نفسك أنت مكتئبة بستغرب أوىي، ما آه ما مش ممكن يكون حد في حياته حد زيك بيحب الحياة والضحك والحضن والرقص تروحي قدامه واحدة واحدة وميكتئبش يعني، بس أنا بعمل اللى دايما كنتى عايزه اتبسطى يا وئام سافري ارقصي اخرجي اشتغلي وانجحي دلعي نفسك اتجوزي بس استني بالله عليكي دلوقتى الدنيا بايظة، فالو عندي فرصه إنى أعمل أي حاجة تبسطنى هاعملها علشانك قبل علشاني دايما وأنت موجودة كنت بقولك شكرا بس بقولك تاني قدام كل الناس شكرا يا نوله شكرا يا حلوة، هديتك السنادي إني عارفة كم الناس اللي هتدعيك دلوقتي أنت نفسك مش هتصدقي أنت سبب كل حاجة حلوة. 

آخر أعمال وئام مجدي

وكانت آخر أعمال الفنانة وئام مجدي، هو مشاركتها في فيلم بابا وماما، الذي يتم عرضه حاليا بدور العرض السينمائية.