هلا رشدي عن الحجاب: مينفعش أقلع الحجاب.. الحرية أنك تمنع نفسك من الشهوات

أثارت الفنانة هلا رشدي تفاعلاً واسعاً بعد نشرها مقطع فيديو عبر حسابها الرسمي على موقع “إنستجرام”، تحدثت فيه عن قصة ارتدائها الحجاب للمرة الأولى، مؤكدة أنها اتخذت هذه الخطوة وهي في عمر السادسة عشرة، وكان ذلك في أول أيام شهر رمضان.

هلا رشدي تروي تجربتها مع الحجاب

وقالت هلا رشدي في مقطع فيديو رصده موقع تحيا مصر: اتحجبت وأنا عندي 16 سنة وكان أول يوم رمضان، والدي قال لي لو مش مستعدة اقلعيه دلوقتي، لأني معنديش بنات تلبس الحجاب وبعدين تقلعه، وأوضحت أن والدها كان حريصاً على أن تكون قناعتها ثابتة منذ البداية.

وتابعت الفنانة: مينفعش أقلع الحجاب ومينفعش حاجة زي دي تخطر على بالي، لو بصينا على الحرية بشكل مختلف هنلاقي إن هي دي الحرية.. إنك تمنعي نفسك من شهواتك مش العكس، وكل ما حاولتي تظبطي لبسك ده هيسهل خطوة الحجاب.

هلا رشدي: وحاجة ممتعة جداً إنك تبقى شخص الأطفال بتحبه

وسبق وأن أعربت الفنانة هلا رشدي عن سعادتها بتكريمها على هامش فعاليات مهرجان حكاوي الدولي لفنون الطفل، كاشفة في بيان صحفي لها عن حبها للأطفال وعن أمنيتها بتقديم أعمال فنية لهم.

وتحدثت هلا رشدي عن علاقتها بنجلها، قائلة في تصريحات رصدها موقع تحيا مصر: “معز بلاقيه ليه اهتمامات مختلفة عنده ماتش، عنده حاجة يتفرج عليها ويقولي لا مش هعرف أجي معاكي فأنا بردو بتحرك عشان أبقى أخف ومنتخانقش، وحاجة ممتعة جداً إنك تبقى شخص الأطفال اللي بتحبه وتتعلق بيه والأطفال تقلده وتسمع الكلام اللي هو بيقوله عشان كده باخد بالي أوي من الكلام اللي بيتقال عشان ميتلقطش كلمة يقلدوها يقولوها فبحاول بأقصى مايمكن إن أنا أركز”.

تصريحات هلا رشدي عن فترة اكتئابها

وعلى صعيد آخر، تحدثت الفنانة هلا رشدي عن تفاصيل فترة اكتئابها، وذلك من خلال لقاء لها في أحد برامج البودكاست، وقالت هلا رشدي في تصريحاتها التي يرصدها موقع تحيا مصر: جالي اكتئاب في 2019 وروحت لدكتور نفسي وشخصني، والدنيا اسودت في وشي إني معدتش بفرح وعملت حاجات غلط عشان أكون كويسة، وكنت بخبط دماغي في الحيطة وبقول لربنا أنت سايبني ليه خدني عندك، وزوجي لم يتخلّ عني وصبر عليا صبر أيوب.