حياتي كانت صاخبة وعمر رشدي مخرج متميز.. أبرز تصريحات ماحد الكدواني في برنامج الصورة

حل الفنان ماجد الكدواني، ضيفا على برنامج الصورة من تقديم الإعلامية لميس الحديدي، والذي يتم عرضه عبر شاشة النهار، وخلال اللقاء تحدث ماجد الكدواني عن العديد من الأسرار الخاصة بفيلم فيها ايه يعني بجانب جزء من حياته الشخصية.

تصريحات ماجد الكدواني

وتحدث الفنان ماجد الكدواني، في بداية لقائه مع بنامج الصورة، وفقا لما رصده موقع تحيا مصر، عن فكرة العيلة بالمسبة له، قائلا: فكرة العيلة مهمة جدًا، وبحب نعيش في سلام، حتى في القرارات الحاسمة لازم تكون بالراحة وبالتشاور

ولكن أشار خلال حديثه ان بعض المواقف تستدعي الحسم قائلا: لما بنتي ساندرا مرضت في إحدى سنوات دراستها، قررت أنقلها من المدرسة فورًا رغم رفضها، وقلت لها: هتتنقلي يعني هتتنقلي. كانت زعلانة علشان أصحابها، لكن كنت مضطر أكون حاسم لأن الموقف كان محتاج كده

وتابع الفنان ماجد الكدواني حديثه: كمان ابني يوسف لما سافر يدرس برا، كنت متألم جدا وعيطت بيني وبين نفسي، والخمس سنيني عدوا بالعافية، بس كنت عارف ان القرار في صالحه ولازم اقبله.

ماجد الكدواني: شخصيتي زمان كانت صاخبة

وذكر الفنان ماجد الكدواني خلال حديثه مع لميس الحديدي: زمان كنت شخصية تانية وكانت حياتي صاخبة جدا، وكنت عصبي وسريع الغضب الشديد على اقل حاجة، وكنت احيانا اكسر حاجات حواليا وكان ضغط أعصاب وقلة خبرة، ولكن اللي غيرني اني شبعت من اللي شفته وعل انا موافق على الحياة دي ولما شفت حياة تانية اتغيرت

وأضاف: لما أنا اتغيرت اللي حواليا اتغيروا، وعرفت أني مش سعيد ومش مرتاح بسبب إيه، ولما غيرت نفسي ارتاحت واللي حواليا ارتاحوا، ودي كانت نصيحة واحد قد أبويا.

ماجد الكدواني يتحدث عن فيلم فيها ايه يعني

كما تحدث الفنان ماجد الكدواني، عن آخر أعماله وهو فيلم فيها ايه يعني، وعن المخرج عمر رشدي قائلا: طول الوقت وده طبع فيا عندي عقدة وقلق من مخرج اول مرة، لان الخبرة مهمة، ولكن عمر رشدي أثبت انه موهوب ومتميز، ومن أول قاعدة نقل لينا حالة كبير من الثقة.

وكان شايف الفيلم والسيناريو، وعارف احنا عايزين ايه، هو اشتغل من صغره مع المخرج الكبير شريف عرفة فخبرته الفنية والحياتية رهيبة