مبقتش أحط جل في ضوافري.. مفيدة شيحة تكشف كيف تغيرت بعد الحج

ردت الإعلامية مفيدة شيحة عن كيف غير الحج منها، والأشياء التي بدأت تلاحظها في نفسها بعد أداء مناسك الحج وعودتها منه، من بينها أنها أصبحت تريد المواظبة على الصلاة وقراءة القرآن، فضلا عن استقبالها للشر بشكل أكثر رضاء.

مفيدة شيحة ترد على سؤال “ماذا غير لكي الحج؟”

وقالت مفيدة شيحة في فيديو رصده موقع تحيا مصر على حسابها الرسمي بموقع تبادل الصور والفيديوهات انستجرام: ناس كتير بتسألني اي اللي اتغير فيكي بعد الحج، الحقيقة أن فيه حاجات كتير بدأت أخد بالي منها، زي اني كنت بحط جل في ضوافري، وأما كان عندي حلقة قولت هحط ولكن لقتني معملتش كدة، قولت أنا شيلته عشان ربنا يتقبل حجي فأكيد ده الصح.

وتابعت مفيدة شيحة حديثها: بقيت كثيرة جبر الخواطر عشان اللي هجبر خاطره هيجبر خاطري عند ربنا، وكمان غير فيا استقبالي للخباثة والشر وبقيت عايزة ربنا راضي عني وبعمل عشان خاطر ربنا، وبقيت محتاجة أواظب على القرآن والصلاة اكتر.

احتفال مؤثر لـ مفيدة شيحة في عيد ميلادها

وكانت قد تصدرت مفيدة شيحة محركات الاكثر بحثا على جوجل بعد احتفالها المؤثر بعيد ميلادها، حيث وجهت رسالة لنفسها، قالت فيها: النهاردة تميت 54 سنة، أطلب مني أني أقول كلم لمفيدة في عيد ميلادها.. ناس كتير ممكن تتوقع أن دا تمثيل، أو أنه غرور، بس في حقيقة الأمر أنا فخورة بيكي جدًا، أنا فاكرة كويس لما كنت 25 سنة وكنت لسه والده منه، وكان عندى أمال كبيرة جدا عايزة أعملها، ونفسي أعمل حاجات كتير جدًا بس مكنتش عارفة أروح فين وأجي منين، والحياة تأخدني وتوديني، وأقول للست الجميلة إللى قاعدة قدامي، برافو بجد، فرحانة وفخورة بيكي جدًا.

مفيدة شيحة: حققت كارير وبيت وأهل 

وتابعت: حققت كارير وكنت شاطرة فيه جدا، وحققت بيت وأهل وتأمينهم كان حلم حياتي، راعيت أمي لحد ما اتوفت محتاجتش حاجة، وعلمت بنتي أحسن تعليم لحد ما أخدت الماجيستير وكان دا أمل حياتي، وجوزتا وعملت كل اللي اختارته وكل حاجة نفسها فيها بالفستان بالمكان والعريس ونفذتهولها، وكل دا وحافظ على نفسي على مفيدة وكرامتها على عزت نفسها، أنا مترجتش حد ولا اتنازلت لحد، في كل اللي وصلتله، عشان كدا بقول لنفسي برافو، وعملت ستات ماركت ونجحت فيه جدًا.

واختتمت حديثها: كنتي ست بـ 100 راجل وعملتي كل الأدوار دي ونجحتي، وحجيت وعقبال ما أشوفك 60 سنه ويبقي فاضلك اللي بتتمنيه من ربنا الستر والصحة والحفيد إللى يطبطب على قلبك.