تصريحات مصطفى يونس رفضت اتجوز رقاصة.. وجمال عبد الحميد لم يتعرض للظلم في الأهلي

قال مصطفى يونس نجم الأهلي السابق، أنه كان يعمل ستوديو تسجيل أغاني وتصوير أفلام في منزلة وسط مساحة 460 متر، ويستعرض موقع تحيا مصر تصريحات مصطفى يونس.

تصريحات مصطفى يونس

وأضاف مصطفى يونس في تصريحات تليفزيونية مع الإعلامي مهيب عبد الهادي على أم بي سي مصر، أي ممثل أو ممثلة كانوا بيكونوا موجودين في بيتي وبيرفضوا يمشوا، وفيه رقاصة طلبت مني الجواز في بداية حياتي.

وأكمل مصطفى يونس، وأنا عندي 19 سنة واتعرفت على الرقاصة وأنا برتب لفرح طاهر الشيخ، وكان فيه منها اهتمام كبير، وهناك صديق مشترك كلمني وقالي الرقاصة عاوزة تشوفك.

وزاد مصطفى يونس، روحت للرقاصة وقالتي من غير مقدمات أنا عاوزة أتجوزك وطلباتك كلها مجابة، ورفضت طلبها لأن حياتي كلها الكورة، ورفضت أتجوز رقاصة وقتها رغم كل المغريات.

واستكمل مصطفى يونس، النادي الأهلي كان حلم بالنسبالي، وأنا اسمي الحقيقي محمد يونس مش مصطفى يونس، وأنا عصبي بطريقة صعبة وصعب اتغير وأنا اتجوزت 4 مرات، وكان فيه واحدة جايبة ابنها النادي الأهلي علشان يختبر في النادي وكان في استلطاف بينا واتجوزنا لمدة شهر ونص.

مصطفى يونس مع مهيب عبد الهادي

وأشار مصطفى يونس، طلقت مراتي التالتة بسبب اهتمامي الكبير بأولادي، واتجوزت أخت ممثلة، ودلوقتي متجوز مراتي ولاء وربنا يخليهالي.

واختتم مصطفى يونس تصريحاته، رفضت رحيل مجدي عبد الغني من النادي الأهلي وأنا كنت الحاكم بأمره في النادي الأهلي لأني كنت الكابتن وكنت صاحب شخصية، والأهلي طلب من جمال عبد الحميد أنه يعتزل وهو عنده 23 سنة، ولم يكن ملتزم في النادي الأهلي وكان بيسهر كتير.