التيك توك وسيلة مهمة وهي اللي خلت العالم يتعاطف مع فلسطين

تحدث الفنان صبري فواز عن التيك توك وذلك في ظل المطالبة يوقفه نهائيا داخل مصر وتزامنا مع القبض على عدد من التيك توكر في الفترة الحالية بسبب نشرهم محتويات فاسقة لا تناسب المجتمع المصري.

صبري فواز عن منصة التيك توك: مهمة جدا بس احنا اللي بنستخدمها غلط 

قال صبري فواز في منشور رصده موقع تحيا مصر على حسابه الرسمي بموقع التواصل الاجتماعي فيسبوك: وجهة النظر الصـ..هـ.يـ.ـونية هي اللي كانت سايدة في العالم كله ، بسبب سيطرتهم التامة على كل وسائل الإعلام و شبكات التواصل الاجتماعي  ..و اللي نبه العالم للحقيقة و قدم وجهة نظر مختلفة، خلت العالم كله يتعاطف مع فـ..ـلـسـ..ـطين و يدين الصـ..ـهـاينة .. كان التيك توك .. لأنه الوسيلة الوحيدة اللى برة سيطرتهم.

وتابع صبري فواز حديثه: يعني التيك توك وسيلة مهمة جدا جدا جدا، انتم اللي بتستخدموها غلط .. فياريت نعقل كده و نشوف احنا بنقول أيه و بنطالب بأيه  قبل ما نسخن قوي.

تصريحات صبري فواز لـ موقع تحيا مصر

يذكر أن صبري فواز قد تحدث في لقاءه مع موقع تحيا مصر مؤخرا عن أعماله الفنية ومدى رضاءه عنها، قائلا: راضي عن كل أعمالي، مبعملش حاجة غير وأنا مقتنع بيها اللي مش راضي عنه بعتذر عنه حتى لو محتاج فلوسه، وكتير ببقى محتاجها فعلاً، لكن يا أعمل حاجة كويسة يا بلاش.

وعن نجاح مسلسل وبينا ميعاد، قال: “الناس شافت نفسها على الشاشة، بتفاصيلهم، بمشاكل عيالهم وبيوتهم. الجمهور هيجيلك لما يشوف ضله على الشاشة”، وعن الجيل الجيل الجديد أوضح: “الجيل الجديد مليان ناس موهوبين جدًا جدًا، وهو جيل محظوظ لأن الساحة بقت أوسع وأدوات الظهور بقت أسرع”.

اخر أعمال صبري فواز 

من ناحية أخرى كانت آخر أعمال صبري فواز مشاركته في مسلسل الشرنقة الذي عُرض في رمضان الماضي، وحقق نجاحًا واسعًا بين الجمهور والنقاد، وشارك في بطولته إلى جانب أحمد داود، مريم الخشت، علي الطيب، ياسر عزت، وسارة أبي كنعان، وغيرهم، وأوضح أن المسلسل تميز بتناول جديد ومختلف، ولاقى صدى طيبًا بسبب الحبكة المحكمة والأداء الجماعي المميز.

ودارت أحداثه حول أحمد داود في دور حازم، محاسب متميز يعمل في إحدى الشركات الكبرى. لكن حياته تنقلب عندما يكتشف ممارسات غير قانونية تتعلق بغسيل الأموال داخل الشركة، ما يدفعه لدخول صراع قانوني شديد ويواجه تحديات تغير حياته تمامًا.