خرج الفنان مصطفي كامل، نقيب المهن الموسيقية، ليكشف عن إمكانية تواصله مع المطربة أنغام للاطمئنان على حالتها الصحية وذلك بعد خضوعها لعملية في البنكرياس بألمانيا وهي إزالة ورم حميد كان موجود به.
مصطفي كامل يثير الجدل بتصريحاته عن انغام
وقال مصطفى كامل في تصريحات رصدها موقع تحيا مصر خلال لقاءه مع برنامج et بالعربي: اتصلت بأنغام في أزمتها الصحية اللي فاتت اطمن عليها ومردتش ومش هكرر ده تاني، انا دوري كنقيب اطمن على الفنانين بس ومؤمن بدوري المؤسسي ولازم أكون حبيب الكل، بس مش هقعد أدور على زميل ليا وهو مبيردش في حاجة اسمها تقدير.
وتابع مصطفى كامل حديثه: دوري كنقيب إني اطمن فطبيعي أما تشوفي رسالتي تردي، أنا مش بطلب منك فلوس، والحقيقة اني مش هسأل عليها تاني.
ريهام سعيد تنتقد مصطفى كامل بعد حديثه عن انغام
وخرجت الإعلامية ريهام سعيد وهاجمت مصطفى كامل بعد تصريحاته عن انغامؤ، قائلة: لو حضرتك صرحت التصريح ده يبقى لازم تسيب منصبك فورا فورا، عشان حضرتك بتتكلم عن صوت مصر وهي عيانة لو غلط اطلع كذب
وكان قد تحدث مصطفى كامل في نفس اللقاء عن راغب علامة وأزمته معه، قائلا: راغب علامة اتباس وباس واتحضن وحضن في فرق بين تأتي إليكِ سيدة وحتى لو سلوكها متدن وأن تبادليها نفس السلوك، أي فنان في الوطن العربي بيجيله معجبات، وأنا كنت بتصور من شوية مع المعجبات، وهل أنا لما بطلع في حفلاتي بطلع أصلي ركعتين بالناس؟ لا، أنا بطلع أتمايل في حدود المسموح، وكل واحد حسب أدواته، مش لدرجة قبلة.
مصطفى كامل عن أزمة راغب علامة: لو سكتنا هيطلعوا بمايوهات
وتابع مصطفى كامل حديثه عن أزمة الفنان راغب علامة في حفل الساحل الشمالي: أول مرة الفنان راغب رقص مع فنانة وده عادي وبعد كدا طلعت واحدة بتحضن، وبعدها بقوا اتنين وهو بيبادلهم الحضن.. بعد كدة نتفاجيء بقى أننا بنطلع بمايوهات على المسرح ونعوم، اللي يقلل من الواقعة دي ميبقاش كويس، راغب باس واتباس واتحضن، واللي يقلل من الواقعة كاملة، مش القبلة بس، يبقى مش كويس.
نقلاً عن : تحيا مصر
لا تعليق