سما المصري تنصح الجمهور بالصلاة

تواصل الفنانة سما المصري توجيه نصائح دينية للجمهور وذلك بعد إعلان توبتها وارتداءها الحجاب، حيث تحدثت لهم في منشور منذ قليل عن الصلاة وأهميتها، مشيرة إلى أنها ليست شيخة ولكن تنصح لوجه الله.

سما المصري توجه نصيحة للجمهور 

وقالت سما المصري في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام: اول ماندخل القبر هنتسال علي الصلاه…انا مش شيخه ولا باوعظ انا بانصح لوجه الله..صلي واقف قاعد نايم بلسانك بعنيك حتي برموشك لو مش قادر ربنا هيتقبل..هو غفور رحيم..الصلاه اساس البركه في الحياه يارب حن علي كل الناس تصلي يااارب.

وسبق وكتبت سما المصري على موقع انستجرام: ربنا مفيش احن منه بس احنا اللي دايما مش شايفينه لو شايفينه علطول عمرنا ماهنزعله ولا نغلط عشان احنا منه مفيش حقك عليا يا حبيبي سامحني.

سما المصري تكشف تفاصيل توبتها لـ تحيا مصر 

يذكر. أن سما المصري سبق وكتبت تفاصيل توبتها في تصريح خاص لموقع تحيا مصر، قائلة: محدش سبب في حجابي ولا حد اثر عليا ألبسه انا من زمان كنت دائما بافكر البسه ودا كان واضح من بعض بوستاتي الخاصه بالحجاب بس اللي كان مانعني الفتره اللي فاتت اني كنت خائفة البسه احسن مااعملش بيه ولا التزم في لبسي بس لما اخدت قرار ارتدائه نويت باذن الله التزم باللبس اللي يتناسب مع الحجاب.

ووجهت سما المصري رسالة لجمهورها بعد ارتداء الحجاب، قائلة: احب اقول لجمهوري بعد الحجاب أنه اللي كان حاببني ومتابعني عشان شكلي الغي المتابعه لأن الشكل هيتغير تماما لكن اللي كان متابعني عشان حابب شخصيتي مش شكلي فإن شاء الله هيبقي في حاجات احلي واحسن في شخصيتي بعد كده هتنال اعجابكم بيا اكتر واكتر بإذن الله، رساله للناس اللي معاها فيديوهات عريانه ليا قلت لهم وتوسلت إليهم وحلقتهم بالغالي عندهم يمسحوا الفيديوهات دي من عندهم انا بارجوهم تاني يمسحوها لأن الذنب في الوقت دا مش عليا هيبقي عليكوا انتوا اللي بتنشروها.

معلومات عن سما المصري 

وعرفت سما المصري في الوسط الفني بأدوار الاغراء التي تجسدها في أعمالها الفنية واستعراض جسدها ولكن كانت نهاية ما تفعله مأسوية حيث ألقي القبض عليها بتهمة نشر الفسق والفجور وسجنت لسنوات عديدة، وبعد خروجها في المرة الاخيرة قررت أن تغير من حياتها وتأخذ طريق التوبة.