قال إمام عاشور لاعب النادي الأهلي، بأنه يتعامل مع كل شخص أمامه على حسب الشخصية، ومن الممكن أن يكون شخص طيب أو شرير أو هادي، ويستعرض موقع تحيا مصر تصريحات إمام عاشور.
تصريحات إمام عاشور
وأضاف إمام عاشور في تصريحاته في بودكاست القلعة الحمراء مع سيد عبد الحفيظ، أنا شخص طيب وبتعامل مع كل شخص على حسب طبيعته وده من سمات الطيبين، وأنا سعيد باستاد النادي الأهلي الجديد وهو أمر مميز أن تلعب على ملعبك.
وأكمل إمام عاشور، إن شاء الله ستاد الأهلي الجديد هيكون على أعلى مستوى ويسعد جماهير الأهلي، وأنا موجود مع النادي الأهلي ومستني ألعب نهائي دوري أبطال أفريقيا على ستاد الأهلي الجديد وأنا لاعب في الأهلي ومش بخاف من أي فريق.
وزاد إمام عاشور، مكنتش طالب شاطر وأنا صغير وتركيزي كان في الكورة وبس وكنت بعيد عن المذاكرة وأبويا كان مدير المدرسة، ومحمود كهربا من الشخصيات الطيبة واللي في قلبه على لسانه وقلبه أبيض ومكسر الدنيا في ليبيا ومتألق.
وأكمل إمام عاشور، كهربا مبيزعلش أي حد منه وبيكبر للناس وبيحترم كل الناس وكان نفسي أكون موجود مع سيد عبد الحفيظ في النادي الأهلي، ومحمد رمضان حاسم في قراراته دايما، وفي أجواء رمضان بحب أفطر مع والدي ووالدتي.
إمام عاشور مع سيد عبد الحفيظ
واختتم إمام عاشور تصريحاته، عندي 4 أخوات وأنا أصغر أخواتي وحياتي أتغيرت في الشهور اللي فاتت والناس كانت شايفة أني ماشي في طريق غلط ولكن أنا غير كدا وكان كل تركيزي في المباريات وشغلي وبس وربنا وفقني وكرمني.
نقلاً عن : تحيا مصر
لا تعليق