قال أحمد شوبير نجم الأهلي السابق، أنه يحترم تاريخ عصام الحضري كثيراً ولكن الأخير يريد التجميد في شخصه بشكل مستمر وأن يتحدث عنه الجميع دائما، ويستعرض موقع تحيا مصر تصريحات أحمد شوبير.
تصريحات أحمد شوبير
وأضاف أحمد شوبير في تصريحات تليفزيونية مع أميرة بدر في برنامج أسرار على قناة النهار، مصطفى شوبير موهوب وله مستقبل، والحضري عاوز نعمله مقام سيدي الأسطورة، وإحنا اللي نتكلم عن الحضري بس ميتكلمش عن نفسه، ومحمد صلاح أسطورة ولا يتحدث عن نفسه، والثقافة مهمة للشخص العادي وأهم حاجة يكون فاهم وواعي ومش موجود في عصام الحضري والموضوع بقى ممل والناس زهقت.
وأردف أحمد شوبير، الحضري حارس عظيم في تاريخ مصر وأفريقيا ويأخذ حقه من الاتحاد الأفريقي والاتحاد الدولي، والحضري لديه تاريخ كبير بجانب مجدي عبد الغني، والثقافة لا تحتاج شهادة، وعصام الحضري أفضل حارس في تاريخ النادي الأهلي، و90% من اللي موجودين في الإعلام أنا اللي طلعتهم في الإعلام.
أحمد شوبير مع أميرة بدر
وأشار أحمد شوبير، فيه ناس كتير شايلة لي جمايلي وناس لا وفيه ناس بتنسى اللي عملته معاهم وناس بتتكلم على كل حاجة عملتها معاهم والسبب كان الموهبة، وإبراهيم فايق موهوب وكنت شايف أنه هيكون حاجة، وعمرة ما يجيب سيرتي في أي مكان وقررت أن المراسلين يكونوا على الشاشة بسبب إبراهيم فايق.
واختتم أحمد شوبير تصريحاته، كنت أتعمد الغياب عن الحلقات لظهور إبراهيم فايق وبحبه دايما وممكن أزعل منه وفي الآخر هو ابني ولو حصله حاجة وحشة أكون معاه، وأنا زعلان من إبراهيم فايق كأب ومينفعش يكون ليا منافس لأنه ابني، وفي حد دخل في دماغة أن أحمد شوبير منافس له وهكون سعيد لو هيكون رقم 1 في العالم.
نقلاً عن : تحيا مصر
لا تعليق