خرجت هدى زاهر والدة الفنانة ملك زاهر وزوجة الفنان أحمد زاهر لتعلن خروج ابنتها ملك من المستشفى منذ يومين، مشيرة إلى أنهم ينتظرون تقارير الأطباء والأشعة عن الحالة لمعرفة مرضها بشكل فعلي.
هدى زاهر: ملك زاهر أحسن وهتكون أحسن ببركة دعائكم
وكتب هدى زاهر في منشور عبر حسابها الرسمي بموقع تبادل الصور والفيديوهات انستجرام ورصده موقع تحيا مصر عبر خاصية ستوري: ملك خرجت والله والحمد والشكر من يومين وفي انتظار تقارير الأطباء عن الحالة بالظبط، هي أحسن وهتكون أحسن ببركة دعائكم ليها ومحبتكم.. إن شاء الله التحاليل الأخيرة تعرفنا إيه السبب اللي عمل فيها كده، وأنا متفائلة بالله جدًا وعارفة أن رب الخير لا يأتي إلا بالخير، الحياة بتستمر والشغل والالتزامات بتستمر رغم كل الظروف وده بسبب واحد أننا مؤمنين بالله وسايبنها على الحي الذي لا يموت.
وتابعت هدى زاهر حديثها: شكرًا لكل الأصدقاء والفنانين والمحبين والداعمين لأسرتنا ولملك تحديدًا وقريبًا جدًا هنطمنكم عليها بشكل نهائي ونفرح مع بعض برجوعها لحضننا بألف سلامة وعافية، الله خير حافظ وفعلًا دي حقيقة ربنا حماها من حاجات كتير وإحنا أحسن من غيرنا الحمد لله والشكر الله وشكرا لكل من تواصل معانا للاطمئنان علي صحتها.
هدى زاهر تدعوا لـ آدم تامر حسني
وحرصت هدى زاهر على الدعاء لـ آدم تامر حسني الذي تعرض لوعكة صحية شديدة في الأيام الماضية بسبب عملية استئصال الزائدة:، فقالت ألف حمد الله على سلامتك يا روح قلب أمك وأبوكي وأخواتك، يا أطيب قلب في الدنيا وأظن عرفتي بعد الأزمة الصعبة دي قد إيه، الناس بتحبك حبيبتي، عقبال يارب ما نتطمن على آدم ابن تامر وبسمة ونفرح كلنا وفرحتنا تكبر.. يا رب يشفي كل مريض اللهم أمين.
ملك زاهر تعلن تعرضها لوعكة صحية
وكانت قد أعلنت ملك زاهر عن تعرضها لوعكة صحية شديدة، فكتبت عبر موقع انستجرام: طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر ولما كنت بحب انزل حاجة سلبية كنت باخدها بهزار وبنزلها close friends وبهزر بيني وبين صحابي بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة واحنا مش عايشين وايه كل اللي انتو فيه، وحاسة أن في الناس بصة على اتفه الحاجات اللي ممكن تكون عندي بتبسطني زي مثلا أني انزل اروح الجيم او اخرج مع صحابي او يكون شكلي حلو و انا رايحة ايفنت معين حبيت بس اقولكم ان الحياة مش وردي انا بقالي 3 ايام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل.
نقلاً عن : تحيا مصر
لا تعليق