كان عندي مشاكل صحية بسبب وزني

خرج الفنان آدم الشرقاوي ليوضح سبب اختفائه عن الوسط الفني في العامين الماضيين، رغم تألقه على الساحة الفنية بشكل كبير في الفترة الأخيرة، مشيرا إلى أنه تعرض العديد من المشاكل الصحية بسبب زيادة الوزن.

آدم الشرقاوي يكشف سبب غيابه 

وكتب آدم الشرقاوي في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام: كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح.

وتابع آدم الشرقاوي حديثه: آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى، كنت بكره كل حاجة في نفسي، وما كنتش بعرف نفسي خالص لما أبص في المراية. 

آدم الشرقاوي: رجعت لوزني الطبيعي وكل أعضائي شغالة تمام 

واستكمل آدم الشرقاوي حديثه: دلوقتي أقدر أقول إني أصحّ من أي وقت فات رجعت لوزني الطبيعي 80  كيلو (180 رطل)، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام.

واختتم: حتى لما كنت عندي مشاكل صحية، ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي. أنا شاكر لحياتي ولكل تحدي واجهته. بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم. شكرًا لكل الناس اللي بتدعمني. 

آدم الشرقاوي في مسلسل لعبة نيوتن

يذكر، أن آدم الشرقاوي قد تألق في مسلسل لعبة نيوتن إلى جانب الفنانة منى زكي والذي عرض منذ سنوات ضمن سباق مسلسلات رمضان وحقق من خلاله نجاحات ساحقة، حيث ذاع صيته داخل مصر من خلال هذا العمل بسبب دوره البسيط والذي كان يشبه شخصيته الحقيقة، إذ أنه كان مصريا ويعيش في أميركا منذ نعومة أظافره.